নাগৰিকত্ব সংশোধনী বিধেয়ক বাতিলৰ দাবীত বোকাখাতৰ ৰাজপথত দেখা গ’ল কৃষক নেতা অখিল গগৈ ( Akhil Gogoi )ক৷ খোজকাঢ়ি চহৰখনৰ বিভিন্ন প্ৰান্তত আজি ২২ মে’ত বিধেয়ক বিৰোধী প্ৰচাৰ পত্ৰ বিতৰণ কৰে গগৈয়ে৷
বোকাখাত চহৰৰ বাটে-ঘাটে গগৈয়ে ৰাইজৰ মাজত ‘অসমলৈ আহি আছে ভয়াৱহ সংকট! লাখ লাখ বাংলাদেশীলৈ ৰঙা দলিচা পাৰি বিজেপিয়ে অসমক কৰিব বিচাৰিছে বিদেশীৰ চৰণীয়া পথাৰ‘ শীৰ্ষক প্ৰচাৰ পত্ৰখন বিতৰণ কৰে।
কেন্দ্ৰৰ বিজেপি চৰকাৰৰ সিদ্ধান্তৰ তীব্ৰ বিৰোধিতা কৰি গগৈয়ে সমূহ বোকাখাতবাসীক বিধেয়কখনৰ বিৰুদ্ধে প্ৰতিবাদ কৰাৰ বাবে আহ্বান জনায়৷
আনহাতে গুৱাহাটীত অনুষ্ঠিত নেডাৰ সভাত নাগৰিকত্ব বিধেয়ক বিৰোধিতা কৰা অগপ সভাপতি তথা মন্ত্ৰী অতুল বৰাৰ বক্তব্যক আদৰণি জনাই গগৈয়ে বৰাক ‘বক্তব্যৰে নহয়, কামেৰে পৰিচয় দিয়াৰ বাবে আহ্বান’ জনায়৷
