ডিব্ৰুগড় জিলাৰ লাহোৱাল সমষ্টিৰ মদাৰখাত এচ আৰ চি উচ্চতৰ মাধ্যমিক বিদ্যালয়ত আজি পুৱা ১০ বজাত এক বিনামূলীয়া পাঠ্যপুথি বিতৰন অনুষ্ঠান অনুষ্ঠিত হয়। লাহোৱাল সমষ্টিৰ বিধায়ক ৰিতুপৰ্ন বৰুৱাই চৰকাৰী বিনামূলীয়া পাঠ্যপুথি বিতৰনৰ উক্ত অনুষ্ঠানটো শুভাৰম্ভ কৰাৰ লগতে ছাত্ৰ- ছাত্ৰী সকলৰ মাজত পাঠ্যপুথি বিতৰন কৰে। অনুষ্ঠানটোত বিদ্যালয়খনৰ শিক্ষক শিক্ষয়িত্ৰী, ছাত্ৰ -ছাত্ৰীৰ লগতে বিদ্যালয় পৰিচালনা সমিতিৰ সভাপতি শ্ৰী বিনোদ গোস্বামী তথা পৰিচালনা সমিতিৰ সদস্য সকল উপস্থিত থাকে। ইয়াৰোপৰি অনুষ্ঠানটোত মদাৰখাত মেট্ৰিক পৰীক্ষা কেন্দ্ৰৰ অন্তৰ্গত বিদ্যালয় সমূহৰ প্ৰধান সকল উপস্থিত থাকি বিদ্যালয়ৰ বাবে পাঠ্যপুথি সমূহ সংগ্ৰহ কৰে।
