আজি ছেৰচ্চিপ চহৰৰ নিকটৱৰ্তী ৰাষ্ট্ৰীয় ঘাইপথত সংঘটিত ভয়াবহ ভূমিস্খলন সংঘটিত হয়। এই ভূমিস্খলনৰ ফলত দক্ষিণ মিজোৰামৰ পৰা ছেৰচ্চিপ চহৰ সম্পূৰ্ণ বিচ্চিন্ন হৈ থাকে। ভূমিস্খলনৰ ফলত ছেৰচ্চিপৰ ৰাজ্যখনৰ বিভিন্ন অংশলৈ যোৱা আটাইকেইটা পথ ৰূদ্ধ হৈ পৰে।
উল্লেখ্য যে কেইবাদিন ধৰি আহি থকা ধাৰাসাৰ বৰষুণ আৰু ইয়াৰ ফলত হোৱা ভূমিস্খলন আৰু বানপানীয়ে মিজোৰামৰ বিভিন্ন অংশত বিশৃখলতাৰ সৃষ্টি কৰিছে।
ছেৰচ্চিপৰ এগৰাকী জ্যেষ্ঠ সাংবাদিক কাপ্লিয়ানা পাচুৱাওৱে নৰ্থ-ইষ্ট নাওৰ আগত প্ৰকাশ কৰিছে যে ৰাষ্ট্ৰীয় ঘাইপথ-৫৪ৰ ওপৰত এটা সম্পূৰ্ণ টিলা খহি পৰিছে। অত্যন্ত বেয়াকৈ ক্ষতিগ্ৰস্ত হোৱা এই ৰাষ্ট্ৰীয় ঘাইপথটো পুনৰ্নিৰ্মাণ কৰাৰ বাবে বহু মাহ সময়ৰ প্ৰয়োজন হ’ব বুলি তেওঁ প্ৰকাশ কৰিছে। কাপ্লিয়ানা পাচুওৱে আৰু কয় যে ভূমিস্খলনৰ বাবে বহুতো বাসগৃহ খালি কৰিবলগীয়া হৈছে।
ইতিমধ্যে, খাওথলাংৎউইপুইৰ বাঢ়নী পানীয়ে প্ৰায় ২০০টা বাসগৃহ জলমগ্ন কৰিছে আৰু য়াৰ ফলত ৩০০ৰো অধিক পৰিয়াল গৃহহীন হৈ পৰিছে।
ট্লাবুঙত নিয়োজিত মহকুমা আৰক্ষী বিষয়া কে বেইহমটাওছাই জানিবলৈ দিছে যে চহৰখনৰ সমূহীয়া প্ৰেক্ষাগৃহ আৰু বিদ্যালয়সমূহত অস্থায়ী শিবিৰ নিৰ্মাণ কৰা হৈছে। তেওঁ আৰু কয় যে বৰ্তমান সময়ত বানপানীয়ে কৰা ধ্বংসলীলা সন্দৰ্ভত যথাৰ্থ মূল্যায়ন কৰাটো অত১ন্ত কঠিন। কেবল ঘৰ-দুৱাৰেই নহয়, বানপানীয়ে নদীৰ কাষৰ সমস্ত খেতিপথাৰ সম্পূৰ্ণভাৱে নষ্ট কৰি পেলাইছে।
