দেশৰ জৰুৰীকালীন অৱস্থাত গ্ৰেপ্তাৰ হোৱা লোকসকলৰ বাবে মাহিলী ২০ হাজাৰ টকা পেঞ্চন দিয়া লাভ কৰিব। এই ঘোষণা কৰিছে উৰিষ্যাৰ ৰাজ্য চৰকাৰে।
২ জানুৱাৰীত এই কথা ঘোষণা কৰে উৰিষ্যাৰ মুখ্যমন্ত্ৰী মোহন চৰণ মাঝিয়ে। শেহতীয়াকৈ ৰাজ্যৰ গৃহ বিভাগে এই সন্দৰ্ভত এক অধিসূচনা জাৰি কৰিছে। পেঞ্চনৰ বাহিৰেও সেই সময়ছোৱাত গ্ৰেপ্তাৰ হোৱাসকলক অন্যান্য সুবিধা প্ৰদান কৰা হ’ব বুলি ঘোষণা কৰিছে চৰকাৰে।
উৰিষ্যাৰ মুখ্যমন্ত্ৰীয়ে কয় যে আভ্যন্তৰীণ নিৰাপত্তা আইন, ভাৰতৰ প্ৰতিৰক্ষা শাসন আৰু ভাৰতৰ আভ্যন্তৰীণ নিৰাপত্তা নিয়মৰ অধীনত জৰুৰীকালীন অৱস্থাত গ্ৰেপ্তাৰ হোৱা লোকসকলক মাহিলী ২০ হাজাৰ টকাৰ পেঞ্চন দিয়া হ’ব।
পেঞ্চনৰ উপৰিও সেই সময়ছোৱাত তেওঁলোকৰ চিকিৎসাৰ সকলো খৰচ ৰাজ্যই বহন কৰিব। অৰ্থাৎ এতিয়াও জীয়াই থকাসকলৰ পেঞ্চন আৰু চিকিৎসাৰ সকলো খৰচ উৰিষ্যাৰ চৰকাৰে দিব। এই পেঞ্চন ১ জানুৱাৰীৰ পৰা কাৰ্যকৰী হ’ব।প্ৰসংগক্ৰমে ১৯৭৫ চনৰ ২১ মাৰ্চত ভাৰতৰ তদানীন্তন প্ৰধানমন্ত্ৰী ইন্দিৰা গান্ধীৰ কাৰ্যকালত সমগ্ৰ দেশতে জৰুৰীকালীন অৱস্থা জাৰি কৰা হয়। এই জৰুৰীকালীন অৱস্থান ১৯৭৭ চনলৈকে বাহাল আছিল। সেই সময়ত জৰুৰীকালীন অৱস্থাৰ বিৰোধিতা কৰাৰ বাবে চৰকাৰে বহু লোকক গ্ৰেপ্তাৰ কৰিছিল।
