ৰাজ্যিক সমবায় বিভাগত সংঘটিত কেলেংকাৰি সম্পৰ্কত শুক্ৰবাৰে মুখ্য মন্ত্ৰীৰ বিশেষ তদাৰকী গোটে বিভাগটোৰ জ্যেষ্ঠ পৰিদৰ্শক ৰাজদীপ নাথ আৰু অতিৰিক্ত পঞ্জীয়ক বিধান শইকীয়াক গ্ৰেপ্তাৰ কৰে। জানিব পতা মতে বহু লাখ টকাৰ উক্ত কেলেংকাৰি সম্পৰ্কত মুখ্য মন্ত্ৰীৰ বিশেষ তদাৰকী গোটৰ কাৰ্যালয়লৈ আনি কিছু ঘণ্টা যুৰি জেৰা কৰাৰ পিছতে বিষয়া দুগৰাকিক আতক কৰা হয়। উল্লেখযোগ্য যে ২০১৬ চনতে সংঘটিত কেলেংকাৰিটোৰ সম্পৰ্কত তদাৰক্ষি গোটতোৱে (১/২০১৬) নং এক গোচৰ ৰুজু কৰিছিল, যাৰ ভিত্তিত বিষয়া দুগৰাকিক আটক কৰা হয়। পিছত দুয়োজনক গুৱাহাটীৰ বিশেষ ন্যায়াধীশৰ আদালতত হাজিৰ কৰোৱা হয়। উক্ত আদালতে তেওঁলোকক ১৪ দিনৰ আৰক্ষী জিম্মালৈ প্ৰেৰণ কৰে। এক বিশেষ সূত্ৰৰ পৰা জানিব পৰা অনুসৰি অভিযুক্ত বিষয়া দুজন চৰকাৰী ধনৰ অপব্যৱহাৰৰ ষড়যন্ত্ৰত লিপ্ত আছিল।
