পুনৰ গাজা ষ্ট্ৰিপৰ ধ্বংসাৱশেষৰ পৰা উদ্ধাৰ কৰা হৈছে আৰু ৯ জন পেলেষ্টাইনী লোকৰ মৃতদেহ। ফলত ঘেৰাও কৰা উপত্যকাটোত মুঠ মৃত্যুৰ সংখ্যা প্ৰায় ৪৮,৩০০ হৈছেগৈ।
আনহাতে ইজৰাইলৰ সেনাই লেবাননত আক্ৰমণ কৰিছে। সৈন্য প্ৰত্যাহাৰৰ সময়সীমাৰ পূৰ্বেই ইজৰাইলে দক্ষিণ লেবাননত এই আক্ৰমণ চলাইছিল। মঙলবাৰে (১৮ ফেব্ৰুৱাৰী) আনাডোলু সংবাদ সংস্থাই এক সুকীয়া প্ৰতিবেদনত এই তথ্য প্ৰকাশ কৰিছে।
সংবাদ সংস্থাটোৱে জনোৱা মতে, গাজাৰ ধ্বংসাৱশেষৰ তলৰ পৰা পেলেষ্টাইনী স্বাস্থ্যকৰ্মী আৰু উদ্ধাৰ কৰ্মীয়ে আৰু ৯টা মৃতদেহ উদ্ধাৰ কৰিছে। ইয়াৰ ফলত ২০২৩ চনৰ অক্টোবৰৰ পৰা গাজা ষ্ট্ৰিপত ইজৰাইলৰ গণহত্যাৰ যুদ্ধত নিহত হোৱা পেলেষ্টাইনীৰ সংখ্যা ৪৮,২৮৪ জনলৈ বৃদ্ধি পাইছে বুলি সোমবাৰে গাজাৰ স্বাস্থ্য মন্ত্ৰালয়ে প্ৰকাশ কৰিছে।
মন্ত্ৰালয়ৰ এক বিবৃতিত কোৱা হৈছে যে বিগত ২৪ ঘণ্টাত ইজৰাইলৰ গোলাবৰ্ষণত চাৰিজন পেলেষ্টাইনী লোকৰ মৃত্যু হৈছে। তদুপৰি আৰু ১৬জন আহত লোকক চিকিৎসালয়ত ভৰ্তি কৰা হৈছে। ইয়াৰ লগে লগে ইজৰাইলৰ আক্ৰমণত আহত লোকৰ সংখ্যা ১ লাখ ১১ হাজাৰ ৭০৯ জনলৈ বৃদ্ধি পাইছে। এতিয়াও বহু লোক ধ্বংসাৱশেষৰ তলত আৰু ৰাজপথত পৰি আছে যদিও উদ্ধাৰকাৰীয়ে তেওঁলোকৰ ওচৰ পাব পৰা নাই।
উল্লেখ্য যে, ১৫ মাহতকৈ অধিক দীঘলীয়া মাহৰ পাছত যোৱা মাহত পেলেষ্টাইনৰ গাজাত যুদ্ধবিৰতি চুক্তি কাৰ্যকৰী হয়। কিন্তু তাৰ পাছৰে পৰা ধ্বংসাৱশেষৰ তলৰ পৰা এটা এটাকৈ মৃতদেহ উদ্ধাৰ কৰিবলৈ সক্ষম হৈছে। আৰু মৃত্যুৰ সংখ্যা বাঢ়িছে।
১৯ জানুৱাৰীৰ পৰা গাজাত যুদ্ধবিৰতি বলবৎ হৈ আছে। তিনি পৰ্যায়ৰ যুদ্ধবিৰতি চুক্তিত বন্দী বিনিময় আৰু স্থায়ী শান্তি, স্থায়ী যুদ্ধবিৰতি আৰু গাজাৰ পৰা ইজৰাইল বাহিনী প্ৰত্যাহাৰৰ লক্ষ্যও অন্তৰ্ভুক্ত কৰা হৈছে।
গাজাত তাৎক্ষণিক যুদ্ধবিৰতিৰ আহ্বান জনোৱা ৰাষ্ট্ৰসংঘৰ নিৰাপত্তা পৰিষদৰ প্ৰস্তাৱৰ পাছতো ইজৰাইলে দীৰ্ঘদিনীয়া ঘেৰাও কৰা ভূখণ্ডত নিৰ্মম আক্ৰমণ অব্যাহত ৰাখিছে।
ইফালে সোমবাৰে নিশা ইজৰাইলৰ যুদ্ধ বিমানে লেবাননৰ জেজিন জিলাৰ টাইৰ হাৰ্ফা আৰু আইচিয়েহিন গাঁৱত বিমান আক্ৰমণ কৰাৰ লগতে মাৰ্জয়ুন জিলাৰ সীমান্তৱৰ্তী চহৰ ওদাইচেহত দুটা বিস্ফোৰণ সংঘটিত কৰে। ইজৰাইলে দক্ষিণ লেবাননত যুদ্ধবিৰতি উলংঘা কৰি আহিছে, যিটো অঞ্চল এৰি যোৱাৰ ঠিক আগতেই।
