উত্তৰ-পূৰ্বাঞ্চলৰ ৯ গৰাকী আৰক্ষী বিষয়ালৈ ‘২০২১ৰ তদন্তত শ্ৰেষ্ঠতাৰ বাবে কেন্দ্ৰীয় গৃহমন্ত্ৰীৰ পদক’ আগবঢ়োৱা হৈছে।
সমগ্ৰ দেশৰ মুঠতে ১৫২গৰাকী আৰক্ষী বিষয়ালৈ ‘২০২১ৰ তদন্তত শ্ৰেষ্ঠতাৰ বাবে কেন্দ্ৰীয় গৃহমন্ত্ৰীৰ পদক’ সন্মান আগবঢ়োৱা হৈছে।
সমগ্ৰ দেশৰ এই সন্মান লাভ কৰা সকলৰ ভিতৰত ২৮গৰাকী মহিলা আৰক্ষী বিষয়া আছে।
এই ১৫২গৰাকী আৰক্ষী বিষয়াৰ ভিতৰত অসমৰ চাৰিগৰাকী আৰু মণিপুৰ, মিজোৰাম, মেঘালয়, নাগালেণ্ড আৰু ত্ৰিপুৰাৰ এগৰাকীকৈ আৰক্ষী বিষয়া আছে।
এই সন্মান লাভ কৰা অসমৰ চাৰিগৰাকী বিষয়া হৈছে এছএছপি বিবেকানন্দ দাস, ডিএছপি ডঃ ৰশ্মি ৰেখা শৰ্মা, পৰিদৰ্শক সুকুমাৰ সিনহা আৰু উপ পৰিদৰ্শক দীপাংকৰ গগৈ।
বাকী উত্তৰ-পূৰ্বাঞ্চলৰ আৰক্ষী বিষয়াকেইগৰাকী হৈছে মহিলা/উপ পৰিদৰ্শক এম প্ৰিয়দৰ্শিনী দেৱী (মণিপুৰ), ডিএছপি বনৰাপলাং জিৰৱা (মেঘালয়), উপ পৰিদৰ্শক ভি এল চামা ৰাল্টে (মিজোৰাম), উপ পৰিদৰ্শক টেমছুয়াংবা আও (নাগালেণ্ড) আৰু মহিলা উপ উপ পৰিদৰ্শক ৰীতা দেৱনাথ (ত্ৰিপুৰা)।
উল্লেখ্য যে ২০১৮ চনত অপৰাধ অনুসন্ধানৰ উত্ত বৃত্তিগত মানদণ্ডক উৎসাহিত কৰাৰ লক্ষ্যৰে তথা তদন্তকাৰী বিষয়াৰ দ্বাৰা এনে তদন্তৰ শ্ৰেষ্ঠত্বক স্বীকৃতি দিবলৈ এই পদক প্ৰৱৰ্তন কৰা হৈছিল।
