অসমত ৯৫গৰাকী আৰক্ষীৰ লোকৰ কোভিড-১৯ পজিটিভ

ৰাজ্যখনত কোভিড-১৯ পজিটিভৰ ঘটনা দ্ৰুতভাৱে বৃদ্ধি পাবলৈ লৈছে।

সেইদৰে  এই মাৰাত্মক ভাইৰাছত প্ৰতিৰক্ষা তথা আৰক্ষী বিষয়াকে ধৰি বিভিন্ন শ্ৰেণীৰ লোক আক্ৰান্ত হৈছে।

এতিয়ালৈকে ৰাজ্যখনত মুঠ ৯৫গৰাকী আৰক্ষীৰ লোকৰ দেহত কোভিড-১৯ পজিটিভ পোৱা গৈছে আৰু ১১১২গৰাকী কোৱাৰেন্টাইন চেন্টাৰত আছে।

অৱশ্যে, আৰক্ষীৰ এই লোকসকলৰ স্বাস্থ্য ভালেই আছে আৰু সুস্থ হৈ আছে।

As on July 2nd – @assampolice 95 personnel tested Covid positive out of whom 19 have recovered, 1112 are in quarantine. All are in good health. @DGPAssamPolice @nhm_assam @CMOfficeAssam

— GP Singh (@gpsinghips) July 2, 2020

অসম আৰক্ষীৰ আইন শৃংখলা শাখাৰ অতিৰিক্ত আৰক্ষী সঞ্চালক প্ৰধান জি পি সিঙে টুইটাৰযোগে এই কথা জানিবলৈ দিয়ে।

এতিয়ালৈকে অসমত কোভিড-১৯ৰ ফলত ১৪গৰাকী লোকৰ মৃত্যু হৈছে আৰু ৰাজ্যখনত মুঠ কোভিড-১৯ আক্ৰান্ত ৰোগীৰ সংখ্যা হৈছেগৈ ৮,৯৫৫গৰাকী।

অসমত এতিয়া সক্ৰিয় কোভিড-১৯ ৰোগীৰ সংখ্যা হৈছে ৩,১০৯গৰাকী।