২০২২ বৰ্ষৰ সাহিত্য অকাডেমীৰ বঁটাসমূহ ঘোষণা কৰা হৈছে। এইবাৰ অসমৰ মুঠ ৬ গৰাকী ব্যক্তিয়ে সাহিত্য অকাডেমীৰ বঁটা লাভ কৰিছে।
অসমীয়া ভাষাৰ বাবে সাহিত্য অকাডেমী বঁটা লাভ কৰিছে বিশিষ্ট গল্পকাৰ তথা সাংবাদিক মনোজ কুমাৰ গোস্বামীয়ে। তেওঁ তেওঁৰ গল্প সংকলন ‘ভুলসত্য’ৰ বাবে এই বঁটা লাভ কৰিছে।
অসমীয়া ভাষাত সাহিত্য অকাডেমীৰ অনুবাদ বঁটা লাভ কৰিছে ড০ জুৰি দত্তই। তেওঁ মূল ভাৰতীয় লেখক নাৰায়নৰ ‘কচাৰেথী: আৰায়া নাৰী’ গ্ৰন্থৰ অনুবাদৰ বাবে এই বঁটা লাভ কৰিছে।
নেপালী ভাষাত অসমৰ খৰ্গ বাহাদুৰ নেপালীয়ে সাহিত্য অকাডেমী বঁটা লাভ কৰিছে। তেওঁ ৰচনা কৰা নাটক ‘সাইনো’ৰ বাবে এই বঁটা লাভ কৰিছে।
এইবাৰ বড়ো ভাষাৰ বাবে সাহিত্য অকাডেমী বঁটা লাভ কৰিছে ৰশ্মি চৌধুৰীয়ে। তেওঁ তেওঁৰ কবিতা সংকলন ‘সানস্ৰিনি’ৰ বাবে এই বঁটা লাভ কৰিছে।
সেইদৰে বড়ো ভাষাত সাহিত্য অকাডেমীৰ অনুবাদ বঁটা লাভ কৰিছে ৰাজা দেবজিৎ বসুমতাৰীয়ে। তেওঁ মূল বাংলা লেখিকা সুস্মিতা বন্দোপাধ্যায়ৰ ‘কাবুলিওলাৰ বাঙালি বউ’ গ্ৰন্থৰ অনুবাদৰ বাবে এই বঁটা লাভ কৰিছে।
আনহাতে, নেপালী ভাষাত সাহিত্য অকাডেমীৰ অনুবাদ বঁটা লাভ কৰিছে পূৰ্ণ কুমাৰ শৰ্মাই। তেওঁ মূল অসমীয়া লেখিকা পূৰবী বৰমূদৈৰ ‘শান্তনুকুলনন্দন’ গ্ৰন্থৰ অনুবাদৰ বাবে এই বঁটা লাভ কৰিছে।
