চিকিৎসকৰ ভুলৰ বাবে প্ৰতি বছৰে ১৩.৮ কোটিতকৈও অধিক লোক ক্ষতিগ্ৰস্ত হয়। সেইদৰে বিশ্বত প্ৰতিবছৰে প্ৰাণ হেৰুৱাইছে ২৬ লাখ লোকে।
বিশ্ব স্বাস্থ্য সংস্থা (WHO)ই কেইদিনমান পূৰ্বে ‘বিশ্ব ৰোগী সুৰক্ষা দিৱস’ পালনৰ সময়ত এই সাৱধানবাণী সদৰী কৰিছিল।
এক সংবাদ সংস্থাৰ বাতৰি অনুসৰি বিশ্ব স্বাস্থ্য সংস্থাৰ ৰোগী-সুৰক্ষা সমন্বয়ক ডাঃ নীলম ঢিংৰাই এখন সংবাদমেলত জানিবলৈ দিয়ে যে ৰোগৰ চিনাক্তকৰণ কৰিব নোৱাৰা, ঔষধৰ বিচ্যুতি তথা চিকিৎসাৰ ত্ৰুটি আৰু ঔষধৰ ভুল প্ৰয়োগ এই তিনিটা মুখ্য কাৰণৰ বাবেই ইমান বৃহৎ সংখ্যক ৰোগীয়ে যন্ত্ৰণা ভূগিবলগীয়া হৈছে।
বিশেষজ্ঞসকলে কয় যে এই ভুলবোৰ এই কাৰণেই হয় কিয়নো চিকিৎসা ব্যৱস্থা এই ত্ৰুটিসমূহ সঠিকভাৱে দূৰ কৰা তথা ইয়াৰ পৰা শিক্ষা গ্ৰহণ কৰাৰ বাবে উপযুক্ত ধৰণে প্ৰস্তুত নহয়।
তেওঁলোকে কয় যে হাস্পাতলসমূহে তেওঁলোকে কি ভুল কৰিলে সেয়া লুকুৱায় যিটোৱে তেওঁলোকক ভৱিষ্যতে এনেকুৱা নহ’বৰ বাবে পদক্ষেপ গ্ৰহণ কৰাত বাধা দিয়ে।
বিশ্ব স্বাস্থ্য সংস্থাই শুকুৰবাৰে সদৰী কৰা তথ্যই কেৱল মধ্যমীয়া তথা নিম্ন আয়ৰ দেশসমূহৰ (য’ত বিশ্বৰ মুঠ জনসংখ্যাৰ ৮০ শতাংশ লোক বাস কৰে) কথাহে ব্যক্ত কৰিছে।
যদি বিকশিত দেশৰ কথাও ইয়াৰ সৈতে বিচাৰ কৰা হয় তেতিয়াহ’লে এই সংখ্যা অধিক হ’ব কিয়নো বিকশিত দেশসমূহতো প্ৰতি ১০জনৰ ভিতৰত এজন ভুল চিকিৎসাৰ চিকাৰ হয়।
এনে ভুলসমূহৰ ভিতৰত এনে কিছুমান চিকিৎসা প্ৰক্ৰিয়াৰ উদাহৰণ দাঙি ধৰা হোৱা নাই যিবোৰৰ ভিতৰত আছে ৰক্ত সংৰচন বা এক্স ৰে কৰোতে হোৱা ভুল, ভুল অংগ কাটি উলিয়াই দিয়া বা আক্ৰান্ত অংশত অস্ত্ৰোপচাৰ নকৰি মস্তিকৰ ভুল অংশত অস্ত্ৰোপচাৰ কৰা আদি। যিবোৰ মাৰাত্মক ভুল ইতিমধ্যে বহু সংখ্যক পোহৰলৈ আহিছে।
সমন্বয়ক ডাঃ নীলমে এনে কাৰণৰ কথা প্ৰকাশ কৰিছে য’ত কিছুমান হাস্পাতালত স্পষ্ট চিকিৎসা পদ্ধতিৰ অভাৱ বা কৰ্মচাৰীসকলৰ মাজত পৰ্যাপ্ত যোগাযোগৰ অভাৱ থাকে।
জেনেভাস্থিত সংস্থাটোৰ মতে, বিশ্বত একমাত্ৰ ঔষধৰ ভুল প্ৰয়োগৰ বাবেই স্বাস্থ্যসেৱা ব্যৱস্থাত প্ৰায় ২৯৬৯.৩৫ কোটি টকাৰ লোকচান হয়।
