শুকুৰবাৰে ৰাইমনা ৰাষ্ট্ৰীয় উদ্যানত গ্ৰেপ্তাৰ কৰা হয় এজন সন্দেহযুক্ত চোৰাং চিকাৰীক।
খবৰ অনুসৰি, তথ্যৰ ভিত্তিত বন বিভাগৰ এটা দলে সন্দেহজনক লোকজনক গ্ৰেপ্তাৰ কৰে। সন্দিগ্ধ লোকজন সংৰক্ষিত বন্যপ্ৰাণী চিকাৰত জড়িত থকাৰ অভিযোগ।
এক সূত্ৰই জনোৱা মতে, সন্দেহজনক লোকজনৰ নাম আশ্বোৰ্চিং বসুমতাৰী। তেওঁ কোকৰাঝাৰৰ গোসাঁইগাঁৱৰ নন্দিপুৰ গাঁৱৰ বাসিন্দা ।
বন বিভাগৰ বিষয়াই বিপুল পৰিমাণৰ হৰিণৰ মাংসৰ সৈতে আটক কৰে সন্দেহজনক লোকজনক।
পৰীক্ষা কৰাৰ পিছত বন বিভাগৰ বিষয়াসকলে প্ৰায় ১০ কিলোগ্ৰাম সন্দেহযুক্ত হৰিণৰ মাংস উদ্ধাৰ কৰে বুলি সূত্ৰটোৱে জনায়।
অভিযুক্তৰ হাতৰ পৰা এটা হৰিণৰ মূৰ উদ্ধাৰ হোৱা বুলিও জানিবলৈ দিয়ে।
তেওঁ হাতী, হৰিণ, আৰু অন্যান্য বন্যপ্ৰাণী চোৰাং চিকাৰত জড়িত থকাৰ সন্দেহ কৰা হৈছে।
বন বিভাগে তেওঁৰ বিৰুদ্ধে সংশ্লিষ্ট ধাৰাত গোচৰ ৰুজু কৰিছে।
