এখন ব্যতিক্ৰমী হোটেল। ব্যতিক্ৰমী এইবাবেই যে, হোটেলখন প্ৰতিবছৰেই নতুনকৈ নিৰ্মাণ কৰা হয়। পৰৱৰ্তী বসন্তৰ পাছতেই হোটেলখন আকৌ ভাঙি পেলোৱা হয়।
হয়, আপুনি ঠিকেই শুনিছে। আচৰিত যেন লাগিলেও এয়াই সঁচা। এই বিশেষ হোটেলখন আছে চুইডেনত।
সমগ্ৰ বিশ্বতে এই হোটেলখনক আইচ হোটেল, অৰ্থাৎ বৰফৰ হোটেল বুলি জনা যায়।
চুইডেনৰ এই আইচ হোটেলখন প্ৰতিবছৰে শীতৰ সময়ছোৱাত মাত্ৰ পাঁচ মাহৰ বাবে নিৰ্মাণ কৰা হয় আৰু পাছত গলি যায়।
এই হোটেলখন নিৰ্মাণ কৰিবলৈ নদীৰ পৰা প্ৰায় ২৫০০ টন বৰফ সংগ্ৰহ কৰা হয় আৰু অক্টোবৰ মাহত ইয়াৰ নিৰ্মাণৰ কাম আৰম্ভ কৰা হয়।
সমগ্ৰ বিশ্বৰে অগণন শিল্পী আহি এই হোটেলখনত তেওঁলোকৰ শিল্পকলা প্ৰদৰ্শন কৰে।
প্ৰতিবছৰে হোটেলখন পৰ্যটকৰ বাবে আকৰ্ষণৰ কেন্দ্ৰ হৈ আহিছে।
পৰ্যটকৰ আহ-যাহলৈ লক্ষ্য ৰাখি হোটেলখনত বহু কোঠালীয়ো নিৰ্মাণ কৰা হয়।
কোঠালীৰ ভিতৰভাগৰ তাপমাত্ৰা হৈছে মাইনাছ পাঁচ ডিগ্ৰী চেলছিয়াছ।
এই ব্যতিক্ৰমী ধাৰাটোৰ বাবে প্ৰতি বছৰে প্ৰায় ৫০ হাজাৰ পৰ্যটক ইয়ালৈ আহে।
