গুৱাহাটী বিশ্ববিদ্যালয়ৰ অন্তৰ্গত বিশ্ববিদ্যালয় আইন মহাবিদ্যালয়ত আজি ১৫ নৱেম্বৰ বৃহস্পতিবাৰে লঘূ আদালত কৌশল সন্দৰ্ভত এখন কৰ্মশালা আনুষ্ঠিত হৈ যায়। উক্ত কৰ্মশালাত গুৱাহাটী উচ্চ ন্যায়ালয়ৰ প্ৰাক্তন ন্যায়াধীশ তথা উচ্চতম ন্যায়ালয়ৰ জ্যেষ্ঠ অধিবক্তা বিপ্লৱ কুমাৰ শৰ্মা মুখ্য অতিথি হিচাপে উপস্থিত থাকে। কৰ্মশালাখনক লঘূ আদালতৰ প্ৰস্তুতিৰ ওপৰত বিশেষ মনোযোগ দিয়া হৈছিল।
বিশ্ববিদ্যালয় আইন মহাবিদ্যালয়ৰ অধ্যক্ষ ড০ জে পি বৰুৱাই আদৰণি ভাষণ প্ৰদান কৰে আৰু লঘূ আদালতৰ সন্দৰ্ভত ছাত্ৰ-ছাত্ৰীসকলক উৎসাহিত কৰে। দ্বিতীয় ভাগত প্ৰায়োগিক দিশটোৰ ওপৰত মনোযোগ প্ৰাদন কৰা হয়।
অধ্যক্ষগৰাকীয়ে কৰ্প’ৰেট, বেংকিং খণ্ডৰ পৰা মামলা-মকৰ্দমালৈকে আইনৰ ছাত্ৰ-ছাত্ৰীসকলৰ জীৱিকাৰ বিভিন্ন দিশৰ ওপৰত পোহৰ পেলায়।
অধ্যক্ষ গৰাকীয়ে নিজৰ ব্যক্তিগত অভিজ্ঞতাৰ কথা ছাত্ৰ-ছাত্ৰীসকলৰ সৈতে বিনিময় কৰে আৰু তেওঁলোকক নিষ্ঠা আৰু ধৈৰ্য আৰু সাধুতাৰে কৃতকাৰ্যতাৰ জখলাত উঠি যাবলৈ উদগনি দিয়ে।
উক্ত অনুষ্ঠানটো সহযোগত বিশ্ববিদ্যালয় আইন মহাবিদ্যালয়ৰ ২০১৮-১৯ বৰ্ষৰ ছাত্ৰ একতা সভাৰ সহযোগত ২০১৭-১৮ বৰ্ষৰ বিশ্ববিদ্যালয় আইন মহাবিদ্যালয়ৰ ছাত্ৰ একতা সভাৰ পৃষ্ঠপোষকতাত আয়োজন কৰা হৈছে। উক্ত অনুষ্ঠানত বিশ্ববিদ্যালয় আইন মহাবিদ্যালয়ৰ অধ্যাপিকা কবিতা জৈন, ছাত্ৰ একতা সভাৰ সাধাৰণ সম্পাদক বিপ্লব বৰুৱাও উপস্থিত থাকে। এটা মত বিনিময় উনুষ্ঠানত ছাত্ৰ-ছাত্ৰীসকলে তেওঁলোকৰ মানত উদয় হোৱা প্ৰশ্নও উত্থাপন কৰে।
