নগাঁও জিলাৰ চামগুৰি সমষ্টিৰ অন্তৰ্গত উদমাৰী অঞ্চলত আছাই এক প্ৰতিবাদী কাৰ্যসুচী ৰূপায়ণ কৰি তীব্ৰ প্ৰতিবাদ সাব্যস্ত কৰে৷
প্ৰতিবাদকাৰী সকলে ৰাজ্য চৰকাৰ তথা মুখ্যমন্ত্ৰী সৰ্বানন্দ সনোৱাল মূৰ্দাবাদ, ভাৰত চৰকাৰ মূৰ্দাবাদ, বিজেপি চৰকাৰ মূৰ্দাবাদ, ন এষ্টি ন ভোট বিজেপি, আদিবাসী সকলক অতিশীঘ্ৰে জনজাতিকৰণ প্ৰদান কৰক, আদি বিভিন্ন শ্লোগানেৰে এক উত্তাল পৰিৱেশ সৃষ্টি কৰি ৫ আগষ্টত চামগুৰি উদমাৰী চাৰি আলিত আদিবাসী ছাত্ৰ সন্থাই প্ৰতিবাদী কাৰ্য্যসূচী পালন কৰে৷
যসদৌ অসম আদিবাসী ছাত্ৰ সন্থা (আছা)ৰ কেন্দ্ৰীয় সমিতিৰ নিৰ্দেশ মৰ্মে ৫ আগষ্টত আদিবাসী ছাত্ৰ সন্থা (আছা)ৰ চামগুৰি উদমাৰী আঞ্চলিক সমিতিৰ অন্তৰ্গত আছা ননৈ শিয়াল বস্তি প্ৰাথমিক গোট সমিতিৰ উদ্যোগত ৰূপায়ণ কৰে এই প্ৰতিবাদী কাৰ্যসূচী।
কাৰ্যসূচীত আছাৰ সদস্য সকলে সামাজিক দূৰত্ব বজাই ৰাখি দীৰ্ঘদিনীয়া দাবী পূৰণৰ লগতে আদিবাসী জনগোষ্ঠীটোৰ সাংবিধানিক অধিকাৰ বিচাৰি ২ ঘন্টীয়া মানৱ শৃংখলাৰে প্ৰতিবাদ সাব্যস্ত কৰে৷
উক্ত কাৰ্যসূচীত সদৌ অসম আদিবাসী ছাত্ৰ সন্থা (আছা)ৰ কেন্দ্ৰীয় সমিতিৰ যুটীয়া সম্পাদক পুৰন গঞ্জু, আছা নগাঁও জিলা সমিতিৰ শিক্ষা সম্পাদক বিন্দেশ্বৰ গঞ্জু, সহ:সাংস্কৃতিক সম্পাদক পবিত্ৰ ভূমিজ, আছা ননৈ শিয়াল বস্তি প্ৰাথমিক গোট সমিতিৰ সভাপতি আচাম হৰ সম্পাদক, প্ৰসাদ বড়াইক আৰু উদমাৰী আঞ্চলিক সমিতিৰ বিষয়ববীয়া সকলৰ লগতে শতাধিক আছাৰ সদস্য উপস্থিত থাকে।
প্ৰতিবাদকাৰী সকলে অসমত বসবাস কৰা আদিবাসী জনগোষ্ঠী সকলক ২০২১ চনৰ আগে আগে জনজাতিকৰণ প্ৰদান কৰিবলৈ সজোৰে দাবী উত্থাপন কৰে৷
অন্যথা ২০২১ চনৰ বিধান সভা নিৰ্বাচনত চাহ বাগিচা তথা আদিবাসী অঞ্চল সমূহত বিজেপিৰ প্ৰৱেশ বন্ধ হ‘ব তথা আদিবাসী জনগোষ্ঠীক বিজেপি দলক ভোট নিদিবলৈ উৎখাত কৰিব বুলি দাবী কৰে৷
আনহাতে, চাহ শ্ৰমিকৰ মজুৰি ৩৫০/-টকালৈ বৃদ্ধি কৰা, আদিবাসী চাহ শ্ৰমিকক মাটিৰ পট্টা প্ৰদান কৰাকে ধৰা অন্যান্য দাবী পূৰণৰ বাবে প্ৰতিবাদকাৰী সকলে দাবী উত্থাপন কৰে৷
