আচাৰ্য চাণক্য ভাৰতৰ সৰ্বকালৰ অন্যতম শ্ৰেষ্ঠ পণ্ডিত। এইজন পণ্ডিতক ৰাজনীতি আৰু কূটনীতিৰ সৰ্বশ্ৰেষ্ঠ শিক্ষক হিচাপে গণ্য কৰা হয়। অৰ্থনীতিতো তেওঁ পাকৈত আছিল। তেখেতে তেখেতৰ ‘চাণক্য নীতি’ নামৰ গ্ৰন্থখনত মানৱ জীৱনৰ ব্যৱহাৰিক দিশসমূহৰ ওপৰত আলোকপাত কৰিছে।
আচাৰ্য চাণক্যই মানুহৰ কৰ্মৰ পৰা ভবিষ্যতলৈ বহু কথা ক’লে। চাণক্যৰ কথাবোৰ মানুহ এজনৰ বাবে তিক্ত যেন লাগিব পাৰে, কিন্তু জীৱনত প্ৰয়োগ কৰিলে সফলতা নিশ্চিত। শাস্ত্ৰজ্ঞ পণ্ডিতসকলে বিশ্বাস কৰে যে নিয়মিতভাৱে আচাৰ্য চাণক্যৰ নীতি অধ্যয়ন কৰা ব্যক্তি, দুখ, দুৰ্দশা, বিপৰ্যয় আদি তেওঁৰ জীৱনৰ পৰা সহজেই আঁতৰি যায়।
চাণক্যই তেওঁৰ নীতিত উল্লেখ কৰিছে যে কিছুমান মানুহ অকালতে বুঢ়া হয়। তেওঁ কিছুমান উপায়ো উল্লেখ কৰিছে, যিবোৰ অনুসৰণ কৰি অকাল বাৰ্ধক্য ৰোধ কৰিব পাৰি।
বহুত ভ্ৰমণ কৰা লোক সোনকালে বুঢ়া হয়
আচাৰ্য্য চাণক্যৰ মতে দিনটোৰ বেছিভাগ সময় ভ্ৰমণ বা যাত্ৰা কৰা লোকসকল অতি সোনকালে বুঢ়া হয়। কাৰণ তেওঁলোকৰ দৈনন্দিন কাম-কাজৰ ৰুটিন ঠিক নাথাকে আৰু তেওঁলোকে খাদ্যাভ্যাস আৰু টোপনিৰ ওপৰত সঠিক দৃষ্টি ৰাখিব নোৱাৰে। মুঠতে এনে লোকে অতি বিশৃংখল জীৱন কটায়। গতিকে, যিসকলে অতি ব্যস্ত জীৱন কটায়, তেওঁলোকে এতিয়াই সাৱধান হওক, নহ’লে অকাল বাৰ্ধক্য আহিব।
শাৰীৰিক সুখ নোপোৱা মহিলাসকল সোনকালে বৃদ্ধ হয়
চাণক্য নীতি অনুসৰি সঠিক সময়ত শাৰীৰিক সুখ নোপোৱা মহিলাসকলো সোনকালে বুঢ়া হয়। গতিকে এনে মহিলাসকলে আগতীয়াকৈ সাৱধান হোৱাটো প্ৰয়োজন।
বান্ধি থোৱা ঘোঁৰাবোৰ সোনকালে বুঢ়া হয়
চাণক্য নীতি অনুসৰি বেছিভাগ সময়তে বান্ধি থোৱা ঘোঁৰাবোৰ অকালতে বুঢ়া হয়। চাণক্যৰ মতে ঘোঁৰাৰ কাম হ’ল দৌৰা আৰু কষ্ট কৰা। কিন্তু ঘোঁৰাবোৰ যদি তেনেকুৱা কৰাৰ পৰিৱৰ্তে সকলো সময়তে বান্ধি ৰখা হয়, তেন্তে সোনকালে বুঢ়া হৈ যায়।
