সত্তৰ দশকৰ বলীউডৰ এগৰাকী জনপ্ৰিয় অভিনেত্ৰী তথা নৃত্য পটিয়সী অৰুণা ইৰাণী বহু সময় ধৰি অভিনয় জগতৰ পৰা আঁতৰি আছে। সত্তৰ দশকৰ সময়ছোৱাত মাতৃৰ ভূমিকাত দেখা গৈছিল অভিনেত্ৰীগৰাকীক। শেহতীয়াকৈ বেংককত আঘাতপ্ৰাপ্ত হোৱাৰ পাছত চৰ্চাত আছে অভিনেত্ৰীগৰাকী
শেহতীয়া খবৰ অনুসৰি প্ৰায় ৭৮ গৰকা অভিনেত্ৰীগৰাকীয়ে অৱসৰ বিনোদনৰ বাবে দুসপ্তাহমান পূৰ্বে বেংককলৈ গৈছিল। বেংককত এক দুৰ্ঘটনাত আঘাতপ্ৰাপ্ত হৈছিল অৰুণা ইৰাণী। অৱশ্যে ঘটনা সন্দৰ্ভত সবিশেষ প্ৰকাশ কৰা নাই অভিনেত্ৰীগৰাকীয়ে।
দুৰ্ঘটনাৰ পাছত তাত এসপ্তাহ জিৰণি লোৱাৰ পিছত এতিয়া তেওঁ মুম্বাইলৈ উভতি আহিছে।অভিনেত্ৰীগৰাকী বিমান বন্দৰ পৰা হুইল চেয়াৰত আৰু ক্ৰাচৰ সহায়ত খোজ কাঢ়ি অহা পৰিলক্ষিত হয়।
ইনষ্টাগ্ৰামৰ পেজত অভিনেত্ৰীগৰাকীৰ বিষয়ে লিখিছে যে প্ৰায় দুসপ্তাহ পূৰ্বে তেওঁ বেংককৰ প্ৰেমত পৰিছিল। আৰু দুৰ্ঘটনাত আঘতপ্ৰাপ্ত হোৱা ববে অভিনেত্ৰীগৰাকীক বেংককত চিকিৎসাধীন হৈ আছিল। চিকিৎসাৰ অন্তত হুইল চেয়াৰ আৰু ক্ৰাচৰ সহায়ত খোজ কাঢ়িবলৈ কোৱা হয়। তাত কিছুদিন জিৰণি লৈ ভাৰতলৈ উভতি আহে আৰু এতিয়া মুম্বাইৰ বিশেষজ্ঞ চিকিৎসকৰ তত্বাৱধানত লাহে লাহে সুস্থ হৈ উঠিছে বুলি সদৰী কৰে।
