পুনৰ দুটাকৈ ভূমিকম্পই জোকাৰি গ’ল ভাৰতৰ মাটি; সোমবাৰে পুৱা কঁপি উঠিল গুজৰাট আৰু নিকোবৰ
উত্তৰ ভাৰতত এটাৰ পিছত এটাকৈ কেইবাটাও ভূমিকম্প জোকাৰণি অব্যাহত থকা দেখা গৈছে। নতুন বছৰটোত প্ৰায় প্ৰতি সপ্তাহত পাতলৰ পৰা মজলীয়া কম্পনে আঞ্চলিক বাসিন্দাসকলৰ মাজত যথেষ্ট আতংকৰ সৃষ্টি কৰিছে। যোৱা সপ্তাহত উৰিষ্যাতো ভূমিকম্প হৈছিল। দেওবাৰে জম্মু-কাশ্মীৰৰ শ্ৰীনগৰৰ পিছত সোমবাৰে দক্ষিণ-পূব ভাৰতত প্ৰথম কম্পনটো অনুভুত হয়। তাৰ পিছত পুৱা পুনৰ আন এটা কম্পন ঘটে। দ্বিতীয় কম্পনটো পশ্চিমৰ ৰাজ্য গুজৰাটত অনুভুত হয়।
নেচনেল চেণ্টাৰ ফৰ চিচমোলজিৰ মতে, ৬ মাৰ্চ, সোমবাৰে পুৱা প্ৰায় ৫:০৭ বজাত নিকোবৰ দ্বীপৰ মাটি কঁপি উঠিছিল। ভূমিকম্পৰ কেন্দ্ৰস্থল আছিল ১০ কিলোমিটাৰ গভীৰতাত। এই ভূমিকম্পৰ মাত্ৰা ৰিখটাৰ স্কেলত ৫.০ আছিল।
Earthquake of Magnitude:5.0, Occurred on 06-03-2023, 05:07:16 IST, Lat: 7.97 & Long: 91.65, Depth: 10 Km ,Location: Nicobar islands region, India for more information Download the BhooKamp App https://t.co/8ZXomEZsdk@Ravi_MoES @Dr_Mishra1966 @ndmaindia @Indiametdept pic.twitter.com/vy0KxJKDsE
— National Center for Seismology (@NCS_Earthquake) March 6, 2023
এই ভূমিকম্পৰ প্ৰায় ডেৰ ঘণ্টা পিছত দ্বিতীয়টো কম্পনৰ খবৰ পোৱা গৈছিল। দ্বিতীয়টো কম্পন পশ্চিম ভাৰতৰ ৰাজ্য গুজৰাটত সংঘটিত হয়। নেচনেল চেণ্টাৰ ফৰ চিচমোলজিৰ মতে, ৬ মাৰ্চ, সোমবাৰে পুৱা ৬.৩২ বজাত গুজৰাটৰ মাটি কঁপি উঠিছিল। ভূমিকম্পৰ কেন্দ্ৰস্থল আছিল ১৫ কিলোমিটাৰ গভীৰতাত। দ্বাৰকাৰ পৰা প্ৰায় ৪৩১ কিলোমিটাৰ উত্তৰত কম্পনটো অনুভুত হৈছিল। ভূমিকম্পৰ প্ৰাবল্য ৰিখটাৰ স্কেলত ৪.৩ আছিল।
Earthquake of Magnitude:4.3, Occurred on 06-03-2023, 06:32:00 IST, Lat: 26.09 & Long: 68.37, Depth: 15 Km ,Location: 431km N of Dwarka, Gujarat, India for more information Download the BhooKamp App https://t.co/Gejgl061jZ pic.twitter.com/d9MbbaVLce
— National Center for Seismology (@NCS_Earthquake) March 6, 2023
দুয়োখন ঠাইতে মজলীয়া ভূমিকম্প হোৱাৰ বাবে অঞ্চলটোত কোনো ক্ষতি হৈছিল নে নাই সেয়া এতিয়াও জানিব পৰা হোৱা নাই।