অসম গণ পৰিষদৰ সাংসদে নাগৰিকত্ব (সংশোধনী) আইনক সমৰ্থন কৰাটো দুৰ্ভাগ্যজনক বুলি শুকুৰবাৰে মন্তব্য কৰে অসমৰ প্ৰাক্তন মুখ্য মন্ত্ৰী প্ৰফুল্ল মহন্তই।
CAA বিৰোধী প্ৰতিবাদত প্ৰাণ হেৰুওৱা ওদালগুৰিৰ ইশ্বৰ নায়কৰ পৰিয়ালবৰ্গক সাক্ষাৎ কৰি শুকুৰবাৰে মহন্তই সংবাদ মাধ্যমৰ আগত তেনেদৰে কয়।
নৰ্থ-ইষ্ট নাওৰ আগত নিজৰ মত প্ৰকাশ কৰি মহন্তই সংসদত অগপৰ সাংসদে নাগৰিকত্ব (সংশোধনী) আইনৰ সমৰ্থনত নিজৰ ভোট দিয়া কাৰ্য্যক গৰিহণা দিয়ে।
মহন্তই অসমৰ সাম্প্ৰতিক পৰিস্থিতিৰ প্ৰতি লক্ষ্য ৰাখি শীঘ্ৰে চৰকাৰক নাগৰিকত্ব (সংশোধনী) আইনখনক বাতিল কৰাৰ বাবে দাবী জনায়।
‘‘বাংলাদেশত বিগত সময়ত কোনো সংখালঘু লোক ধৰ্মীয় নিৰ্যাতনৰ বলি হোৱা নাই,’’ মহন্তই বাংলাদেশৰ বৈদেশিক মন্ত্ৰী এ কে আব্দুল মমনিৰ মন্তব্যৰ উদ্ধৃতিৰে কয়।
বাংলাদেশৰ বৈদেশিক মন্ত্ৰী গৰাকীৰ মন্তব্যই কেন্দ্ৰীয় গৃহ মন্ত্ৰী অমিত শ্বাহৰ মন্তব্যক ভুল বুলি প্ৰমাণিত কৰিছে।
আনহাতে, অসমৰ নেতা সকলৰ বিপৰীতে মেঘালয়ৰ ৰাজনৈতিক নেতা সকলে প্ৰশংসনীয় উদাহৰণ গ্ৰহণ কৰিছে।
