শিৱসাগৰৰ ঐতিহাসিক জয়সাগৰৰ ডিমৌপথাৰত কঠিয়া সিঁচিলে কৃষি মন্ত্ৰীকে ধৰি অন্যান্যসকলে
১৯৬০ চনতে প্ৰতিষ্ঠা হোৱা অসমৰ অন্যতম পুৰণি কৃষিপাম সমবায় সমিতি বীৰাংগনা মূলাগাভৰু কৃষিপাম সমবায় সমিতিৰ উদ্যোগত আয়োজন কৰা কঠিয়া সিঁচা কাৰ্যসূচীত প্ৰখৰ ৰ’দত বোকাময় পথাৰত কঠিয়া সিঁচে কৃষিমন্ত্ৰী অতুল বৰা, যোগান মন্ত্ৰী যোগেন মহন আৰু সাংসদ তপন কুমাৰ গগৈয়ে।
কঠিয়া সিঁচাৰ পূৰ্বে ডিমৌপথাৰৰ নামঘৰত সেৱা জনায় আৰ্শীবাদ লয় মন্ত্ৰীদ্বয়ে।
১০ বিঘা মাটিত কঠিয়া সিঁচি প্ৰায় ১৫০ বিঘা মাটিত অত্যাধুনিক কৃষি পদ্ধতিৰে সমবায় ভিত্তিত পাঁচখন গাঁৱৰ মানুহে বিগত ৬০ বছৰ ধৰি খেতি কৰি আহিছে।
ৰদৰ পৰা বাচিবলৈ মূৰত জাপি পিন্ধি মন্ত্ৰী যোগেন মহনে কঠিয়া সিঁচি
গালে এফাকি বিহু গীতো।
কৃষি কৰ্মৰ যোগেদিহে গ্ৰাম্য অৰ্থনীতি সবল হব বুলি মন্তব্য কৰে কৃষি মন্ত্ৰী অতুল বৰাই। তেওঁ লগতে কয়, কৃষকৰ সমস্যা সমুহৰ দূৰ কৰাৰ বাবে চৰকাৰে পদক্ষেপ গ্ৰহণ কৰিব।
তেওঁ কয়, কৃষকে উৎপাদিত কৰা সামগ্ৰী সমুহৰ উচিত মূল্য লাভ কৰা আৰু কৃষকক যথোচিত সন্মান প্ৰদান কৰিলেহে ৰাইজ কৃষি কৰ্মৰ প্ৰতি আগ্ৰহী হব।
বীৰাংগনা মূলাগাভৰু কৃষিপাম সমবায় সমিতিৰ দীৰ্ঘদিনে কৰি অহা সমজুৱা এই কৃষি কাৰ্যক কৃষিমন্ত্ৰী অতুল বৰাই প্ৰশংসা কৰাৰ লগতে ভৱিষ্যত দিনত আন কৃষি সমবায় সমিতিৰ বাবে এই বীৰাংগনা মূলাগাভৰু কৃষিপাম সমবায় সমিতি আদৰ্শ হৈ ৰ’ব।