আজমল বাংলাদেশীৰ নেতা: বিজেপি
এ আই য়ু দি এফ মুৰব্বী বদৰুদ্দিন আজমলৰ বিৰুদ্ধে শক্তিশালী আক্ৰমণ কৰি ভাৰতীয় জনতা দলে শনিবাৰে অভিহিত কৰিছে আজমল অনুপ্ৰৱেশকাৰীৰ নেতা।
“প্ৰত্যেকে জানে যে আজমলৰ ৰাজনীতি অকল এইতো তথ্যতহে চলে যে তেওঁ বাংলাদেশী অনুপ্ৰৱেশকাৰীক সুৰক্ষা দিব খোজে আৰু তেওঁলোকৰ হৈ ক’ব খোজে। তেওঁৰ দল বাংলাদেশী অনুপ্ৰৱেশকাৰীৰ সংগঠন বুলি জনাজাত,” বিজেপিৰ ৰাষ্ট্ৰীয় মুখপাত্ৰ ছাহনাৱাজ হুচেইনে নতুন দিল্লীত কয়।
হুচেইনে এ আই য়ু দি এফক কংগ্ৰেছৰ বি টিম বুলিও অভিহিত কৰিছে।
“আজমলে কৈছিল যে নিৰ্বাচনৰ পিছত প্ৰধান মন্ত্ৰী নৰেন্দ্ৰ মোদী আৰু বিজেপি সভাপতি অমিত শ্বাহক দেশৰ বাহিৰলৈ পঠাব…বদৰুদ্দিন আজমল অনুপ্ৰৱেশকাৰীৰ নেতা,” হুচেইনে কয়।
এখন সংবাদমেল সম্বোধন কৰা অৱস্থাত হুচেইনে লগতে সমালোচনা কৰে নেশ্বনেল কনফাৰেঞ্চ নেতা ফাৰুক আব্দুল্লা আৰু সমাজৱাদি পাৰ্টিৰ নেতা আজম খানক প্ৰধান মন্ত্ৰী মোদীক সমালোচনা কৰাৰ কাৰণে।