ৰাজ্যত স্বচ্ছ আৰু নিকাভাবে নিযুক্তি পৰীক্ষাসমূহ অনুষ্ঠিত কৰিব নোৱাৰা বাবে কৃষক মুক্তি সংগ্ৰাম সমিতিৰ নেতা অখিল গগৈয়ে বৃহস্পতিবাৰে সৰ্বানন্দ সোণোৱাল নেতৃত্বাধীন অসম চৰকাৰখনক কঠোৰ সমালোচনা কৰে।
গোৱালপাৰ জিলা সত্ৰ ন্যায়ালয়ত এটা পুৰণি গোচৰৰ বাবে উপস্থিত হোৱাৰ সময়ত গগৈয়ে সংবাদ মাধ্যমৰ আগত এ পি ডি চি এলৰ পৰীক্ষা সফলভাবে অনুষ্ঠিত কৰিব নোৱাৰা বাবে শক্তিমন্ত্ৰী তপন গগৈৰ পদত্যাগ দাবী কৰে।
গগৈয়ে পঞ্চায়ত আৰু গ্ৰামোণ্ণোয়ণ বিভাগৰ নিযুক্তি প্ৰক্ৰিয়াত থকা সুৰুঙাৰ বাবেও অসম চৰকাৰক দোষাৰোপ কৰে। কৃষক নেতাগৰাকীয়ে সোণোৱাল নেতৃত্বাধীন চৰকাৰখনৰ বিৰুদ্ধে অসম প্ৰশাসনিক পৰীক্ষাত দুৰ্নীতি হোৱা বুলি অভিযোগ কৰে।
ৰাকেশ পালৰ পাছত অসম লোকসভা আয়োগত হোৱা দুৰ্নীতিক অত্যন্ত দুৰ্ভাগ্যজনক আখ্যা দি অখিল গগৈয়ে এই ক্ষেত্ৰত চি বি আইৰ তদন্ত দাবী কৰে।
আনহাতে, অসম চৰকাৰে তেওঁৰ বিৰুদ্ধে বিভিন্ন ধৰণৰ এটাৰ পাছত আনটো দোষ জাপি দি তেওঁৰ কণ্ঠ ৰুদ্ধ কৰিব বিচাৰিছে বুলিও অভিযোগ উত্থাপন কৰে গগৈয়ে। চৰকাৰে মোৰ নামত ১২৯ টা গোচৰ জাপি দিছে আৰু মোৰ কণ্ঠ অবৰুদ্ধ কৰিব বিচাৰিছে বুলিও তেও কয়।
উল্লেখযোগ্য যে, পণ্ডিত দীনদয়াল উপাধ্যায় মহাবিদ্যালয়ৰ চাইন বোৰ্ডৰ ক্ষতি কৰাৰ অপৰাধত গগৈ ১৫ মাহ পূৰ্বে তিনিদিন কাৰাবাস খাতিব লগা হৈছিল। বৃহস্পতিবাৰে আদালতে তেওঁৰ জামিন বৃদ্ধিত আনুমোদন জনায়।
