পুনৰ গা কৰি উঠিছে জনজাতিকৰণৰ প্ৰসংগ। দীৰ্ঘদিনৰ পৰাই চৰকাৰে কোচ ৰাজবংশী সকলক জনজাতিকৰণৰ নামত প্ৰতাৰণা কৰি অহাৰ প্ৰতিবাদত আজি দুধনৈৰ ফ’ফলৰ ৰাষ্ট্ৰীয় ঘাইপথত প্ৰধান মন্ত্ৰী নৰেন্দ্ৰ মোদী আৰু অসমৰ মুখ্য মন্ত্ৰী সৰ্বানন্দ সোণোৱালৰ প্ৰতিমূৰ্তি দাহ কৰি তীব্ৰ প্ৰতিবাদ সাব্যস্ত কৰে।
কেন্দ্ৰীয় নেতৃত্বৰ আহ্বান মৰ্মে গোৱালপাৰা জিলা আক্ৰাছুৰ কেইবা শতাধিক কৰ্মী ৰাজপথলৈ ওলাই আহি চৰকাৰ বিৰোধী শ্লোগানেৰে দুধনৈৰ পৰিৱেশ উত্তাল কৰি তোলে। আনহাতে প্ৰতিবাদকাৰী সকলে আগন্তুক পঞ্চায়ত নিৰ্বাচনত বিজেপি চৰকাৰক উচিত প্ৰত্যুত্তৰ দিব বুলিও সকিয়াই দিয়ে।
আক্ৰাছু কৰ্মী সকলে বিজেপি চৰকাৰ প্ৰতাৰক,বিজেপি মিছলীয়া আদি বিভিন্ন চৰকাৰ বিৰোধী শ্লোগানেৰে আকাশ-বতাহ উত্তাল কৰি তোলে।
আনহাতে যদিহে কম সময়ৰ ভিতৰত জনগোষ্ঠীটোক জনজাতিকৰণৰ মৰ্যাদা নিদিয়ে তেন্তে পুনৰ ৰাজ্য জ্বলি উঠিব বুলি প্ৰতিবাদকাৰী সকলে সংবাদ মাধ্যমৰ জৰিয়তে ৰাজ্য চৰকাৰক সকীয়াই দিয়ে।
