উৎকন্ঠাৰ অন্ত : অৱশেষত বাতিল হ’ল অমৰনাথ যাত্ৰা
ক’ৰ’ণাতংকই মানুহৰ দৈহিক,মানসিক,অৰ্থনৈতিক ক্ষেত্ৰত প্ৰভাৱ পেলোৱাৰ দৰেই ধৰ্মীয় ক্ৰিয়া-ক
লাপৰ ওপৰতো বাৰুকৈয়ে প্রভাৱ পেলাইছে।
তাৰ শেহতীয়া প্ৰমাণ পোৱা গ’ল অমৰনাথ যাত্ৰাৰ ক্ষেত্ৰত।
চলিত বৰ্ষত অমৰনাথ যাত্ৰা হ’ব নে নাই তাকে লৈ বহু দিন ধৰি চৰকাৰে চিন্তা-চৰ্চা কৰি আছিল।
প্ৰথম অৱস্থাত ২৩ জুনৰ পৰা অমৰনাথ যাত্ৰা হ’ব বুলি কথা ওলাইছিল যদিও সেই তাৰিখ পুনৰ ২১ জুলাইলৈ পিছুৱাই দিয়া বুলি প্ৰচাৰ হৈছিল।
জম্মু-কাশ্মীৰৰ মুখ্য সচিবে ৩ জুলাইত অমৰনাথ যাত্ৰাৰ সকলো দিশ চালি-জাৰি চাই সৰ্বাধিক ৫০০ গৰাকী ভক্তইহে অমৰনাথ যাত্ৰাত ভাগ ল’ব পাৰিব বুলি ঘোষণা কৰিছিল।
ইমানৰ পিছতো অমৰনাথ যাত্ৰাক লৈ অনিশ্চয়তা আঁতৰা নাছিল।
সেয়ে সিদ্ধান্ত গ্ৰহণৰ ভাৰ অৰ্পন কৰা হৈছিল শ্ৰীঅমৰনাথ শ্ৰীণ ব’ৰ্ডৰ ওপৰত।
মঙলবাৰে শ্ৰীঅমৰনাথ শ্ৰীণ ব’ৰ্ডে দীৰ্ঘ সময় ধৰি কৰা আলোচনাৰ অন্তত এইবাৰৰ অমৰনাথ যাত্ৰা বাতিল কৰাৰ সিদ্ধান্ত লয়।
অৱশ্যে অমৰনাথ যাত্ৰা কোনো সন্ত্ৰাসবাদীৰ কূটাঘাতৰ আশংকাত বাতিল কৰা হোৱা নাই।
মহামাৰী ক’ৰ’ণাৰ সংক্ৰমণৰ আশংকা কৰিয়েই বাতিল কৰা হৈছে অমৰনাথ যাত্ৰা।
সমুদ্ৰ পৃষ্ঠৰ পৰা ৩ হাজাৰ ৮৮৮ মিটাৰ উচ্চতাত অৱস্থিত অমৰনাথলৈ প্ৰতি বছৰে লাখ লাখ ভক্তই যায়।