নাগৰিকত্ব বিধেয়কৰ বিৰুদ্ধে প্ৰতিবাদত নেছ’ই ১০ ডিচেম্বৰত সমগ্ৰ উত্তৰ-পূব ভাৰততে বন্ধ আহ্বান কৰিছে।
ৰাজ্য সভাত বিধেয়কখন উত্থাপন হোৱাৰ দিনাই মঙলবাৰে পুৱা ৫ৰ পৰা বিয়লি ৪ বজালৈকে মুঠ ১১ ঘণ্টাৰ বাবে এই বন্ধ আহ্বান কৰা হৈছে।
শুকুৰবাৰে গুৱাহাটীৰ শ্বহীদ ন্যাসত অনুষ্ঠিত সংগঠনটোৰ কাৰ্য্যনিৰ্বাহক বৈঠকতে এই বন্ধ আহ্বানৰ সিদ্ধান্ত কৰা হৈছে।
বৈঠকৰ পিছতে নেছ’ৰ উপদেষ্টা সমুজ্জ্বল কুমাৰ ভট্টাচাৰ্য্যই এই কথা প্ৰকাশ কৰিছে।
অৱশ্যে বন্ধটোৰ পৰা নাগালেণ্ডক ৰেহাই দিয়া হৈছে। হৰ্নবিল ফেষ্টিভেল চলি থকাৰ বাবে তাত বন্ধ নহয় যদিও সেইদিনা নাগা ছাত্ৰ ফেদাৰেচনে ৰাজভৱন ঘেৰাও কৰিব।
নেছ’ৰ সদস্যৰূপে আছে আছু, মেঘালয়ৰ গাৰো ছাত্ৰ সন্থা, খাচি ছাত্ৰ সন্থা, অৰুণাচল প্ৰদেশ ছাত্ৰ সন্থা, নাগালেণ্ডৰ এন এছ এফ, মিজো ছাত্ৰ সন্থা আৰু ত্ৰিপুৰী ইণ্ডিজেনাছ পিপল ফ্ৰণ্ট।
কেবৰ বিৰোধিতাৰে সদৌ চুতীয়া ছাত্ৰ সন্থায়ো অহা ৯ ডিচেম্বৰত ১২ ঘন্টীয়া অসম বন্ধ ঘোষণা কৰিছে।
