অঞ্চলটোৰ বন্যপ্ৰাণী সম্পদ আৰু বাসস্থান সংৰক্ষণৰ বাবে চৰকাৰী সংস্থাসমূহৰ প্ৰচেষ্টাক সমৰ্থন আৰু পৰিপূৰক কৰাৰ নিৰন্তৰ প্ৰচেষ্টাৰ অংশ হিচাপে, জৈৱ বৈচিত্ৰ্য গৱেষণা আৰু সংৰক্ষণ সংস্থা, আৰণ্যকে যোৱা ৪ জানুৱাৰীত মাজুলী বন বিভাগৰ ২৬ জনতকৈও অধিক ফ্ৰন্টলাইন কৰ্মচাৰীক ক্ষেত্ৰ সঁজুলি প্ৰদান কৰে।
মাজুলী জিলাৰ গৰমুৰৰ শ্ৰী শ্ৰী মাধৱদেৱ কৃষ্টি কেন্দ্ৰত আধাৰিত এক অনুষ্ঠানত বন কৰ্মচাৰীসকলক ৰেইনকোট, চাৰ্জলাইট, জংঘল বুট আৰু চুৱেটাৰৰ দৰে অত্যাৱশ্যকীয় ক্ষেত্ৰ সঁজুলি বিতৰণ কৰা হয়।
এই অনুষ্ঠানত মাজুলী জিলাৰ বিভাগীয় বন বিষয়া (DFO) জয়ৰাম বৰাই সভাপতিত্ব কৰে।
চাৰ্জলাইট আৰু ৰেইনকোটবোৰ কিৰ্লোস্কাৰ এবাৰা পাম্পছ লিমিটেডে, চুৱেটাৰবোৰ ইউ এছ ফিছ এণ্ড ৱাইল্ড লাইফ চাৰ্ভিচেছে আৰু সেইদৰে, ফিল্ড বুটবোৰ ডেভিড শ্বেপহাৰ্ড ৱাইল্ড লাইফ ফাউণ্ডেশ্যনৰ সহযোগত আগবঢ়োৱা হয়।
অনুষ্ঠানত ভাষণ প্ৰদান কৰি ডিএফঅ’ জয়ৰাম বৰাই বিভাগটোৰ সমৃদ্ধ জৈৱ বৈচিত্ৰ্য সুৰক্ষাৰ বাবে নিৰন্তৰভাৱে কাম কৰি থকা বন কৰ্মচাৰীসকলক সমৰ্থন আগবঢ়োৱাৰ বাবে আৰণ্যকক বিশেষ ধন্যবাদ জ্ঞাপন কৰে। তেওঁ কয় যে ফ্ৰন্টলাইন বন কৰ্মচাৰীসকলে মাজুলী অঞ্চলত তেওঁলোকৰ দায়িত্ব পালন কৰোঁতে প্ৰায়ে বিভিন্ন প্ৰত্যাহ্বানৰ সন্মুখীন হয় |
আৰণ্যকৰ উপ-সভাপতি ড০ দিলীপ চেত্ৰী আৰু নিৰঞ্জন ভূঞাই অনুষ্ঠানটোত আৰণ্যকক প্ৰতিনিধিত্ব কৰে।
