নেপালত ‘জেন জি’ আন্দোলনৰ পিছত সৃষ্টি হোৱা ৰাজনৈতিক অস্থিৰতা ক্ষান্ত কৰাৰ বাবে প্ৰচেষ্টা অব্যাহত আছে।
শুকুৰবাৰে আবেলি নেপাল সেনা প্ৰধান জেনেৰেল অশোক ৰাজ ছিগডেলে তেওঁৰ চৰকাৰী বাসগৃহত ৰাষ্ট্ৰপতি ৰামচন্দ্ৰ পৌডেলৰ সৈতে বৈঠকত লিপ্ত হয়।
নতুন চৰকাৰ গঠন সন্দৰ্ভত আলোচনাৰ মাজতে এই বৈঠক অনুষ্ঠিত হয়। দুয়োৱে প্ৰায় ১৫ মিনিট কথা পাতে।
শুকুৰবাৰে প্ৰতিনিধি সদনৰ অধ্যক্ষ দেৱৰাজ ঘিমিৰে আৰু ৰাষ্ট্ৰীয় বিধানসভাৰ অধ্যক্ষ নাৰায়ণ প্ৰসাদ দাহালে এক যৌথ বিবৃতিত কয় যে আইনৰ শাসন আৰু সাংবিধানিকতাৰ পৰা কোনো ধৰণৰ বিচ্যুতি হ’ব নালাগে বুলি তেওঁলোকে দৃঢ়তাৰে কয়।নেপালৰ স্বাস্থ্য মন্ত্ৰালয়ৰ তথ্য অনুসৰি নেপালৰ এই ঘটনাত কমেও ৩৪ জন লোকৰ মৃত্যু হৈছে।
