প্ৰধান মন্ত্ৰী নৰেন্দ্ৰ মোদীৰ স্বচ্ছ ভাৰতৰ প্ৰচাৰ যে অন্ত:সাৰশূন্য হৈ পৰিছে তাৰ প্ৰমান দাঙি ধৰিছে শেহতীয়া এক তথ্যই।
বিশ্বৰ আটাইতকৈ বায়ু প্ৰদূষিত ৩০খন চহৰৰ তালিকাত আছে ভাৰতৰেই ২২খন চহৰ। মঙলবাৰে চুইছ সংস্থাৰ IQAir ৰ প্ৰতিবেদনত এনে এক ভয়াবহ তথ্য প্ৰকাশ পাইছে।
বিশ্বৰ আটাইতকৈ প্ৰদূষিত ৰাজধানী চহৰখন হৈছে দিল্লী। সেইদৰে বিশ্বৰ আটাইতকৈ প্ৰদূষিত চহৰৰ দশম স্থানত আছে দিল্লী।
অৱশ্যে, বায়ু প্ৰদূষণ ৰোধৰ ক্ষেত্ৰত কেজৰিৱাল চৰকাৰে চলোৱা প্ৰচেষ্টাৰ ফলত ২০১৯ৰ পৰা ২০২০ৰ ভিতৰত এবছৰত বায়ুপ্ৰদূষণৰ ১৫ শতাংশ উন্নতি হৈছে।
দিল্লীৰ বাহিৰেও তালিকাত ভাৰতৰ আন ২১ খন চহৰৰ নাম আছে। ইয়াৰ ভিতৰত উত্তৰ প্ৰদেশৰ আটাইতকৈ বেছি চহৰৰ নাম আছে। ৰাজ্যখনৰ গাজিয়াবাদ, বুলন্দচহৰ, বিছৰাখ জালালপুৰ, নয়দা, গ্ৰেটাৰ নয়দা, কানপুৰ, লক্ষ্ণৌ, মীৰাট, আগ্ৰা আৰু মুজাফ্ফৰ নগৰৰ নাম আছে তালিকাত।
তালিকাত আন ৰাজ্যৰ চহৰৰ নামো আছে। ভীওৱাৰি, ফৰিদাবাদ, ঝিন্দ, হিচাৰ, ফতেহাবাদ, ভাণ্ডৱয়াৰি, গুৰুগ্ৰাম, যমুনানগৰ, ৰোহটক, ধাৰুহীৰা আৰু বিহাৰৰ মুজাফ্ফৰ নগৰৰ নামো আছে।
বিশ্বৰ আটাইতকৈ বায়ু প্ৰদূষিত চহৰ হিচাপে পৰিগণিত হৈছে চীনৰ বেইজিং। প্ৰথমখনক বাদ দিলে তালিকাৰ বাকী দশম স্থানলৈকে আটাইকেইখন চহৰ ভাৰতৰ।
এই সমীক্ষাৰ বাবে সংগ্ৰহ কৰা তথ্যসমূহ সংশ্লিষ্ট দেশৰ চৰকাৰী সংস্থাই দিয়া তথ্যৰ পৰাই লোৱা হৈছে। বিশ্বৰ ১০৬খন দেশৰ বিভিন্ন চহৰৰ তথ্য সংগ্ৰহ কৰি তালিকাখন প্ৰস্তুত কৰা হৈছে।
