লকডাউনৰ মাজতে চেন্নাইৰ পৰা অসমৰ শ্ৰমিক লৈ আহি থকা এখন বাছ অন্ধ্ৰপ্ৰদেশত দুৰ্ঘটনাগ্ৰস্ত হয়। উক্ত দুৰ্ঘটনাত মাৰ্ঘেৰিটাৰ এজন যুৱক গুৰুত্বভাৱে আঘাতপ্ৰাপ্তল হয়।
উল্লেখযোগ্য যে অসমৰ বিভিন্ন জিলাৰ পৰা তামিলনাডুত কৰ্ম সূত্ৰে থকা বহু শ্ৰমিক লকডাউনৰ বাবে চেন্নাইত আবদ্ধ হৈ আছে।
ইয়াৰ মাজতে চেন্নাই চৰকাৰে ৩০জন শ্ৰমিকক এখন বাছেৰে অসমলৈ পঠোৱাৰ ব্যৱস্থা কৰে৷
প্ৰাপ্ত তথ্য মতে শ্ৰমিকসকলক লৈ আহি থকা উক্ত বাছখনক শুকুৰবাৰে নিশা অন্ধপ্ৰদেশ কোনো স্থানত ৰখাই থোৱাৰ সময়তে এখন ট্ৰাকে খুন্দা মৰাৰ ফলত কেইবাজনো আঘাতপ্ৰাপ্ত হয়।
আহতসকলৰ মাজত মাৰ্ঘেৰিটাৰ উলুপ গাঁৱৰ অসীম বুঢ়াগোহাঁই নামৰ লোকজন গুৰুতৰভাৱে আঘাতপ্ৰাপ্ত হৈছে বুলি জানিব পৰা গৈছে৷
অৱশ্যে এই সম্পৰ্কত বাতৰি যুগুত কৰা সময়লৈকে সবিশেষ খবৰ লাভ কৰা হোৱা নাই।
দুৰ্ঘটনাত পতিত হোৱা অসমৰ শ্ৰমিক কেইজনে নিৰুপায় হৈ অসম চৰকাৰ, মুখ্য মন্ত্ৰী সৰ্বানন্দ সোণোৱাল আৰু স্বাস্থ্য মন্ত্ৰী হিমন্ত বিশ্ব শৰ্মাক সহায় কৰিবলৈ অনুৰোধ জনাইছে৷
