চিৰাং আৰক্ষীয়ে বৃহস্পতিবাৰে পুৱতিনিশা অভিযান চলাই বৃহৎ পৰিমাণৰ অস্ত্ৰ-শস্ত্ৰ উদ্ধাৰ কৰিবলৈ সক্ষম হৈছে।
ৰুণীখাতা আৰক্ষী থানা এলেকাৰ অধীন ৰাণীপুৰ আৰু অমলাইগুৰিত এই অস্ত্ৰ-শস্ত্ৰখিনি উদ্ধাৰ কৰা হৈছে।
চোৰাংচোৱা সূত্ৰৰ ভিত্তিত চিৰাঙৰ অতিৰিক্ত আৰক্ষী অধীক্ষকৰ নেতৃত্বত এই অভিযান চলোৱা হৈছিল।
আৰক্ষী সূত্ৰ মতে প্ৰথমটো অভিযানত ৰাণীপুৰত দুটা মেগাজিনৰ সৈতে এটা একে ছিৰিজৰ ৰাইফল, ৭.৬২ এম এম পিষ্টলৰ ৫০ ৰাউণ্ড সক্ৰিয় গুলী আৰু এটা পেন পিষ্টল উদ্ধাৰ কৰা হয়।
পিছৰটো অভিযানত অমলাইগুৰিত মেগাজিনৰ সৈতে এটা ৯ এম এম কাৰ্বাইন, মেগাজিনৰ সৈতে সাতটা ৯ এম এম পিষ্টল, দুটা চীনা হেণ্ড গ্ৰেনেড আৰু ২৫ ৰাউণ্ড সক্ৰিয় গুলী জব্দ কৰা হয়।
