গুৱাহাটীৰ উপকণ্ঠ অঞ্চলত অৱস্থিত নিউ শৰাইঘাট দলঙত মঙলবাৰে পুৱাৰ ভাগত তীব্ৰবেগী ডাম্পাৰে খুন্দা মৰাৰ ফলত এজন লোকৰ কৰুণ মৃত্যু হয়।
সূত্ৰৰ পৰা জানিব পৰা মতে, চাইকেলেৰে আমিনগাঁও অভিমুখে গৈ থকা অৱস্থাত ডাম্পাৰখনে খুন্দা মাৰে।
ঘটনাৰ পাছতে জালুকবাৰী যান-বাহন আৰক্ষীয়ে খেদি খেদি ডাম্পাৰ চালকজনক আটক কৰে।
চালকজন কামৰূপ জিলাৰ নগৰবেৰাৰ নিবাসী জামাল আলী বুলি জানিব পৰা গৈছে।
জামাল আলীয়ে বৈধ ড্ৰাইভিং লাইচেন্স অবিহনে বাহনখন চলাইছিল বুলি জানিব পৰা গৈছে।
মৃতদেহটো মৰণোত্তৰ পৰীক্ষাৰ বাবে গুৱাহাটী চিকিৎসা মহাবিদ্যালয় আৰু চিকিৎসালয়ত জমা দিয়া হৈছে।
