কিংবদন্তি ফুটবল তাৰকা মাৰাডোনাৰ ঘড়ী চুৰি কৰি আনি অসমক বদনাম কৰিলে এই চোৰ যুৱকে

ফুটবলৰ মহাতাৰকা কিংবদন্তি ডিয়েগো মাৰাডোনাৰ স্বাক্ষৰ থকা এটা ঘড়ী চুৰি কৰি আনি অসমৰ নাম বদনাম কৰিলে অসমৰে এজন যুৱকে।

বৰ্তমান প্ৰয়াত কিংবদন্তি ফুটবলাৰ মাৰাডোনাৰ এই ঘড়ীটো চুৰি কৰি আনি চিধাই যুৱকজন শিৱসাগৰৰ নিজ ঘৰত উঠিল।

ইপিনে, ঘড়ীটো বিচাৰি ডুবাই আৰক্ষীয়ে অসম আৰক্ষীৰ সৈতে যোগাযোগ কৰে।

ইয়াৰ পাছতে এটা আন্তৰ্জাতিক ঘটনা হৈ পৰা বিষয়টোত ডুবাই আৰক্ষীৰ সৈতে অসম আৰক্ষীয়ে যোগাযোগ ৰক্ষা কৰি অৱশেষত শনিবাৰে অভিযান চলাই শিৱসাগৰৰ ঘৰৰ পৰা ৱাজিদ হুছেইন নামৰ চোৰ যুৱকজনক গ্ৰেপ্তাৰ কৰে।

Also Read: লাভ জেহাদ! মুছলমান যুৱকে হিন্দু পৰিচয়েৰে যুৱতীক পলুৱাই নি নিৰ্যাতন চলোৱাৰ অভিযোগ

মুখ্যমন্ত্ৰী হিমন্ত বিশ্ব শৰ্মাই এটা টুইটযোগে এই কথা সদৰী কৰিছে। তেওঁ ডুবাই আৰক্ষীৰ তথ্য ভিত্তিত অসম আৰক্ষীয়ে কেনেদৰে চোৰ যুৱকজনক গ্ৰেপ্তাৰ কৰিলে সেইকথা প্ৰকাশ কৰিছে।

জানিবলৈ দিয়া মতে মহাৰ্ঘ হাবলট এডিশ্যনৰ ঘড়ীটোত কিংবদন্তি ফুটবলাৰ মাৰাডোনাৰ স্বাক্ষৰ আছে।

In an act of international cooperation @assampolice has coordinated with @dubaipoliceHQ through Indian federal LEA to recover a heritage @Hublot watch belonging to legendary footballer Late Diego Maradona and arrested one Wazid Hussein. Follow up lawful action is being taken. pic.twitter.com/9NWLw6XAKz

— Himanta Biswa Sarma (@himantabiswa) December 11, 2021

উল্লেখ্য যে ৱাজিদ হুছেইন নামৰ যুৱকজন শিৱসাগৰৰ পৰা গৈ ডুবাইৰ এটা কোম্পানীত কাম কৰি আছিল। তাতেই এই ঘড়ীটো চুৰ কৰি আগষ্টত অসমৰ ঘৰলৈ আহিছিল।

শনিবাৰে পুৱতি নিশা শিৱসাগৰ আৰক্ষীয়ে অভিযান চলাই ৱাজিদক গ্ৰেপ্তাৰ কৰে।