গুৱাহাটীৰ সমীপত জব্দ ৪.৫ কোটি টকাৰ ড্ৰাগছ : গ্ৰেপ্তাৰ এজনক
সোমবাৰে পুৱা অসম আৰক্ষীৰ বিশেষ টাস্ক ফ’ৰ্চে এজন ব্যক্তিক আটক কৰি প্ৰায় ৪.৫ কোটি টকাৰ নিচাজাতীয় দ্ৰব্য জব্দ কৰে।
জানিব পৰা মতে, নাগালেণ্ডৰ পৰা গুৱাহাটীলৈ এখন ট্ৰাকত এই নিচাজাতীয় সামগ্ৰী সমূহ কঢ়িয়াই অনা হৈছিল।
গোপন সূত্ৰৰ ভিত্তিত অসম আৰক্ষীৰ বিশেষ টাস্ক ফ’ৰ্চৰ এটা দলে যোৰাবাটত AS01-RC-2336 পঞ্জীয়ন নম্বৰৰ গাড়ীখন আটক কৰে।
ট্ৰাকখনৰ তালাচীৰ সময়ত আৰক্ষীয়ে ৫৩৭.২ গ্ৰাম হেৰ’ইন থকা ৪৫টা প্লাষ্টিকৰ চাবোনৰ কেচ উদ্ধাৰ কৰে।
আৰক্ষীয়ে লগে লগে ট্ৰাকখনৰ চালকজনক আটক কৰে। গোচৰ ৰুজু কৰি চালকজনক জিম্মাত লৈছে আৰক্ষীয়ে।