ৰাজ্যত পুনৰ ১০৮৮ জন কোভিড পজিটিভ : গুৱাহাটীত ৬৪৯ গৰাকী চিনাক্ত

ৰাজ্যত পুনৰ ১০৮৮ গৰাকী কোভিড১৯ পজিটিভ চিনাক্ত কৰা হৈছে।

ইয়াৰ ৬৪৯ গৰাকীয়েই গুৱাহাটীৰ মহানগৰীৰ।

এক টুইটৰ যোগে ৰাজ্যৰ স্বাস্থ্য মন্ত্ৰী ডঃ হিমমন্ত বিশ্ব শৰ্মাই উল্লেখ কৰিছে এই কথা।

ইয়াৰ লগে লগে ৰাজ্যত কোভিড১৯ আক্ৰান্তৰ সংখ্যা ১৯,৭৫৪ গৰাকীলৈ বৃদ্ধি পালে।

স্বাস্থ্য মন্ত্ৰী গৰাকীয়ে জনোৱা অনুসৰি ৰাজ্যত বৰ্তমানে ৬,৮১৫ গৰাকী আক্ৰান্তৰ শৰীৰত কোভিড১৯ ভাইৰাছ সক্ৰিয় হৈ থকাৰ বিপৰীতে কোভিডমুক্ত হৈছে ১২,৮৮৮ গৰাকী আক্ৰান্ত।

উল্লেখ্য যে, ভাইৰাছবিধ সক্ৰিয় হৈ থকা আক্ৰান্তসকলক ৰাজ্যৰ বিভিন্ন কোভিড চিকিৎসালয়ত চিকিৎসা প্ৰদান কৰি থকা হৈছে।

আনহাতে সুস্থ হৈ উঠা কোভিড১৯ আক্ৰান্তসকলক কোভিড চিকিৎসালয়ৰ পৰা মুক্ত কৰা হৈছে।

প্ৰণিধানযোগ্য যে জুলাইৰ প্ৰথম পষেকত ৰাজ্যত কোভিড ৰোগীৰ মৃত্যুৰ হাৰ যথেষ্ট বৃদ্ধি পোৱা পৰিলক্ষিত হৈছে।

স্বাস্থ্য মন্ত্ৰীয়ে জনোৱা অনুসৰি ৰাজ্যত বৰ্তমানলৈকে ৪৮ গৰাকী কোভিড১৯ আক্ৰান্তৰ মৃত্যু ঘটিছে।