ৰাজ্যত ক’ভিড পজিটিভিটিৰ হাৰ আজিও ১ শতাংশৰ তলতে আছে।
অৱশ্যে আক্ৰান্ত লোকৰ সংখ্যা কালিৰ তুলনাত যথেষ্ট হ্ৰাস পাইছে।
বিগত ২৪ ঘণ্টাত ৰাজ্যত কৰ’না ভাইৰাছত আক্ৰান্ত হৈছে ৫৬৮ গৰাকী লোক। শনিবাৰে আক্ৰান্ত হৈছিল ৯৮৬গৰাকী লোক।
আজি ৰাজ্যখনত মুঠতে ৫৮,৭২৮ টা ক’ভিড পৰীক্ষা সম্পন্ন কৰা হয়।
আজিৰ দিনটোত ৰাজ্যখনত ক’ভিডত ১৫ গৰাকী লোকে প্ৰাণ হেৰুৱাইছে।
কামৰূপ মেট্ৰ’ত বিগত ২৪ ঘণ্টাত ক’ভিডত আক্ৰান্ত হৈছে ১২৩ গৰাকী লোক ।
ক’ভিড পজিটিভিটিৰ হাৰ হৈছে ০.৯৭ শতাংশ। এই সময়ছোৱাত সুস্থতাৰ হাৰ হৈছে ৯৭.১৪ শতাংশ।
Summary of 08/8/2021
Today’s Total 568
Overall Positivity Percentage (568 cases out of 58,728 test done = 0.97%)
Kamrup(M) 123
Death 15
Recovery Rate 97.14%
— Himanta Biswa Sarma (@himantabiswa) August 8, 2021
ৰাজ্যখনৰ সামগ্ৰিক ক’ভিড পৰিস্থিতিৰ প্ৰতি লক্ষ্য ৰাখি বৰ্তমান নতুন এছঅ’পি বলৱৎ হৈ আছে।
নতুন কোভিড SOPত পূৰ্বৰ তুলনাত কেতবোৰ নিয়ম শিথিল কৰা হৈছে।
ৰাজ্যৰ কোনো এখন জিলাই এতিয়া সম্পূৰ্ণ সান্ধ্য আইনৰ কৱলত নাই।
গোলাঘাট আৰু লখিমপুৰ জিলাত সকলো দোকান-পোহাৰ, হোটেল- ৰেষ্টুৰেণ্ট, ধাবা, শ্ব’ৰুম আদি দিনৰ ২ বজালৈকে খোলা ৰখাৰ বিপৰীতে অন্যান্য জিলাসমূহত বিয়লি ৪ বজালৈকে খোলা আছে।
আনহাতে, পূৰ্বৰ দৰেই বন্ধ আছে আন্তঃ জিলা যাতায়াত ব্যৱস্থা।
