জামিন লাভ কৰি পুনৰ অনলাইন ট্ৰেডিঙৰ নতুন জাল পেলোৱাৰ প্ৰস্তুতি ট্ৰেডিং FX কেলেংকাৰীৰ মূল অভিযুক্ত ৰঞ্জিত কাকতিৰ।পিছি এইবাৰ FX নহয়, MLM বুলি নতুন অনলাইন ট্ৰেডিং কোম্পানী খোলাৰ প্ৰস্তুতি চলাইছে মহাঠগ ৰঞ্জিত কাকতিয়ে। এই গুৰুতৰ অভিযোগ কৰিছে পূৰ্বে মহাপ্ৰৱঞ্চক ৰঞ্জিত কাকতিৰ FXত ধন বিনিয়োগ কৰি সৰ্বস্বান্ত হোৱা অবিনাশ মাহলী নামৰ এজন বিনিয়োগকাৰীৰ।
ৰঞ্জিত কাকতিৰ ট্ৰেডিং FX কোম্পানীত বিনিয়োগ কৰি পূৰ্বেও ডিব্ৰুগড় আৰক্ষীৰ কাষ চাপিছিল অবিনাশ মাহলীয়ে। কেৱল সিমানেই নহয় ট্ৰেডিং কেলেংকাৰীৰ তদন্ত এখন পৰিকল্পিত নাটক বুলিহে আখ্যা দিয়ে অবিনাশে। কাৰণ FXৰ ৭জন সদস্যৰ ভিতৰত কেৱল মাত্ৰ ৰঞ্জিত কাকতিকহে গ্ৰেপ্তাৰ কৰিয়ে আৰক্ষীয়ে দায়িত্ব সামৰাৰ অভিযোগ এইজন ভুক্তভোগীৰ। কিন্তু আৰক্ষীৰ ব্যৰ্থতাৰ বাবে কিছুদিনৰ ভিতৰতে ৰঞ্জিত কাকতিয়ে জামিন লাভ কৰাৰ অভিযোগ কৰে মাহলীয়ে।
আনকি CBIৰ ভূমিকাতো প্ৰশ্ন অবিনাশ মাহলীৰ। CBIয়ে কিয় ট্ৰেডিং FX অসমৰ ৭ সদস্যক তদন্তৰ আওঁতালৈ আনিব নোৱাৰিলে, তাক লৈ প্ৰশ্ন উত্থাপন কৰে। উল্লেখ্য যে অবিনাশে ট্ৰেডিং FXৰ আন সদস্য কৃষ্ণ প্ৰসাদ ভূমিজ, প্ৰফুল্ল বৰুৱা, বিশ্বজিৎ কোঁৱৰ, জিংকু বসুমতাৰী, সীমান্ত বৰুৱা আৰু প্ৰদীপ বৰুৱাৰ নাম ডিব্ৰুগড় সদৰ থানাত অভিযোগ দিয়াৰ পাছতে কেৱল ৰঞ্জিত কাকতিয়ে গ্ৰেপ্তাৰ কৰি দায়িত্ব সামৰাৰ অভিযোগ কৰে৷
জানিব পৰা তথ্য অনুসৰি অবিনাশে নিজেই ট্ৰেডিং FX অসমৰ এজন সদস্য তথা অভিযুক্ত প্ৰফুল্ল বৰাৰ এখন বিলাসী বাহন যোৰহাটৰ তিতাবৰত জব্দ কৰোৱাইছিল যদিও, সেই বাহনখন আৰক্ষীয়ে কিয় জিম্মাত নাৰাখিলে বুলি প্ৰশ্ন কৰে? সেই বাহনখন এতিয়া বিক্রীৰ পৰিকল্পনা কৰা বুলিহে অভিযোগ কৰে ভুক্তভোগীয়ে।
