আহোম যুগৰ গৌৰৱময় ঐতিহ্য বহনকাৰী ইউনেস্ক’ৰ বিশ্ব ঐতিহ্য ক্ষেত্ৰ চাৰাইদেউ মৈদামসহ অসমত থকা ১৬৭টা ঐতিহাসিক কীৰ্তিচিহ্ন এতিয়া ৰক্ষণাবেক্ষণ্ৰ ক্ষেত্ৰত সংকটত পৰিছে। এই স্থানসমূহত কৰ্মৰত প্ৰায় ১৮০ জন ঠিকাভিত্তিক শ্ৰমিকে ২০২৪ বৰ্ষৰ নৱেম্বৰ মাহৰ পৰাই দৰমহা লাভ কৰা নাই। ছয় মাহ ধৰি বেতনহীন অৱস্থাত থকা এই শ্ৰমিকসকলে অৱশেষত কৰ্মবিৰতি ঘোষণা কৰিছে।
এই পৰিস্থিতিত, মাত্ৰ ২৫ জন স্থায়ী কৰ্মচাৰীৰে সম্পূৰ্ণ ১৬৭টা ঐতিহ্য স্থানৰ দায়িত্ব সমাধা কৰা অসম্ভৱ হৈ পৰিছে। শ্ৰমিকসকলে বেতন নোপোৱাত কিছুমানে ইতিমধ্যে দৈনিক মজুৰিৰ কাম বিচাৰি আন ঠাইলৈ যাবলৈ বাধ্য হৈছে। চৰাইদেউ মৈদামৰ এজন কনিষ্ঠ গৱেষক সহায়কে জানুৱাৰী মাহলৈকে আংশিক ভাত্তা লাভ কৰি অছিল যদিও কিন্তু তাৰ পিছত এতিয়ালৈকে কোনো ভাত্তা লাভ কৰা নাই। ফলস্বৰূপে চৰাইদেউ মৈদামত নিৰাপত্তা আৰু স্বচ্ছতাৰ অভাৱ স্পষ্ট হৈ পৰিছে যি পৰ্যটনৰ ক্ষেত্ৰতো প্ৰভাৱ পেলাইছে।
এই সন্দৰ্ভত গৱেষণা আৰু প্ৰত্নতত্ত্ব সঞ্চালিকা দীপি ৰেখা কৌলিয়ে স্বীকাৰ কৰে যে, ২০২৩-২৪ চনৰ পৰা বাকী থকা বিলসমূহ পুৰণি নোহোৱা আৰু বিত্ত বিভাগৰ অনুমোদনত পলম হোৱা বাবে এই সমস্যাৰ সৃষ্টি কৰিছে। তেওঁ লগতে কয় যে, চৰকাৰে ইতিমধ্যে দৰমহা মুকলি কৰিবৰ বাবে প্ৰয়োজনীয় পদক্ষেপ গ্ৰহণ কৰিছে।
উল্লেখ্য যে চাৰাইদেউ মৈদামকে ধৰি ইউনেস্ক’ৰ তালিকাভুক্ত অসমৰ বিশ্ব ঐতিহ্য ক্ষেত্ৰসমূহত ছমাহ ধৰি ঠিকাভিত্তিক শ্ৰমিকে দৰমহা নোপোৱাৰ ফলত ৰক্ষণাবেক্ষণৰ ক্ষেত্ৰত গভীৰ সংকটৰ সৃষ্টি হোৱা ঘটনাই ঐতিহ্য ক্ষেত্ৰসমূহ সংৰক্ষণকলৈ উদ্বেগৰ সৃষ্টি কৰাৰ লগত কৰ্মচাৰী পৰিচালনাৰ ক্ষেত্ৰত অৰ্থনৈতিক স্বচ্ছতাৰ দিশটো প্ৰশ্ন উত্থাপন হৈছে।
