যৌ*ন নিৰ্যাতনৰ বলি এটি পাঁচ বছৰীয়া শিশুক! আত্ম ৰক্ষাৰ চেষ্টা কৰাৰ বাবে হত্যা; আটক অসমৰ যুৱক

যৌন নিৰ্যাতনৰ পৰা নিজকে ৰক্ষা কৰাৰ চেষ্টা কৰা বাবে হত্যা কৰে এটা পাঁচ বছৰীয়া শিশু! তামিলনাডুৰ কাঞ্চিপুৰমত সংঘটিত এই ঘটনাত এজন ২২ বছৰীয়া যুৱকক গ্ৰেপ্তাৰ কৰা হৈছে। আৰক্ষীয়ে জনোৱা মতে, অভিযুক্ত বলদেৱ মাছুদা অসমৰ বাসিন্দা।

জানিব পৰা মতে শিশুটিৰ পিতৃ-মাতৃ বিহাৰৰ। বৰ্তমান তেওঁলোক তামিলনাডুৰ কাৰুমাংগাঝানী গাঁৱৰ বাসিন্দা, দুয়োজনে তামিলনাডুৰ এটা কাৰখানাত কাম কৰে। অভিযোগ অনুসৰি যোৱা ৯ জুনত তেওঁলোকৰ পাঁচ বছৰীয়া সন্তানটো হঠাতে নিৰুদ্দেশ হৈছিল। তাৰ পিছতে আৰক্ষীত এজাহাৰ দাখিল কৰা হৈছিল। শিশুটিৰ সন্ধানৰ সময়ত গাঁৱৰ পৰা বহু দূৰত উদ্ধাৰ হয় শিশুটিৰ অংগচ্ছেদ হোৱা মৃতদেহ।

প্ৰথম অৱস্থাত আৰক্ষীয়ে সন্দেহ কৰিছিল যে শিশুটিৰ মূৰত আঘাত পোৱাৰ বাবেই মৃত্যু হৈছে। ইফালে অঞ্চলটোৰ চিচিটিভি ফুটেজ পৰীক্ষা কৰি আৰক্ষীয়ে গম পালে যে মাছুৱাই শিশুটিক লৈ গৈছে। ইয়াৰ পিছতে আৰক্ষীয়ে মাছুভাক জিম্মাত লৈ জেৰা আৰম্ভ কৰে। আৰক্ষীয়ে জনোৱা মতে, জেৰাৰ সময়ত অভিযুক্ত মাছুভাই নিজৰ অপৰাধ স্বীকাৰ কৰিছে। আৰক্ষীয়ে জনোৱা মতে, যৌন নিৰ্যাতন চলি থকাৰ সময়তে যেতিয়া কিশোৰীগৰাকীয়ে কান্দিবলৈ আৰম্ভ কৰে তেতিয়া মাছুৱাই শিলগুটিৰে মূৰত আক্ৰমণ কৰে। আৰু থিতাতে মৃত্যু হয় ছোৱালীজনীৰ।