সমগ্ৰ বিশ্বতে বৰ্তমান ক’ৰ’না ভাইৰাছৰ সন্ত্ৰাসৰ পৰা পৰিত্ৰাণ পাবলৈ বিশেষ সতৰ্কতা অৱলম্বন কৰিছে। সতৰ্কতাৰ অংশস্বৰূপে বৃহস্পতিবাৰে যোৰহাট জিলাৰ টীয়ক পৌৰসভাই নগৰখনৰ অন্তৰ্গত দোকান, হাট, হোটেল তথা মাছ মাংসৰ বজাৰসমূহত সতৰ্কতামূলক কাৰ্যসূচী ৰূপায়ণ কৰে।
পৌৰপতি ৰফিক উজ জামান আৰু কাৰ্যবাহী বিষয়া আদিত্য বিক্ৰম যাদৱৰ উপস্থিতত আৰক্ষী প্ৰশাসনৰ সহযোগত পৰ্যবেক্ষণ কৰি মুকলিকৈ তথা অস্বাস্থ্যকৰভাৱে বিক্ৰী কৰা সামগ্ৰীৰ দোকানীসকলক পৰিস্কাৰ পৰিচন্ন অৱলম্বন কৰি ব্যৱসায় কৰিবলৈ আহ্বান জনায়।
লগতে টীয়কৰ নগৰৰ ৪ নং ৱাৰ্ডৰ ৱাৰ্ড আয়ুক্ত মাধবী হাজৰিকাই নিজৰ ৱাৰ্ডৰ এলেকাত ক’ৰ’নাৰ বিৰুদ্ধে সৰু সৰু সজাগতা সভা অনুস্থিত কৰি সকল লোকৰ মাজত চাবোন, চেনিটাইজাৰ বিতৰণ কৰাৰ লগতে সাৱধানতা অৱলম্বন কৰি চলিবলৈ আহ্বান জনায়।
