অমিত শ্বাহৰ আৰক্ষীৰ বিৰুদ্ধে বিস্ফোৰক অভিযোগ অলিম্পিক পদক বিজয়ী বজৰং পুনিয়াৰ

ৰেষ্টলিং ফেডাৰেচনৰ মুৰব্বী তথা বিজেপিৰ সাংসদ ব্রিজ ভূষণ শৰণ সিঙৰ বিৰুদ্ধে দেশৰ মহিলা মল্লযুঁজাৰুৰ ওপৰত যৌন নিৰ্যাতনৰ অভিযোগ উত্থাপন হৈছিল৷ সেই পৰিপ্ৰেক্ষিততে অলিম্পিক পদক বিজয়ী বজৰং পুনিয়া, সাক্ষী মালিক, বিশ্ব চেম্পিয়নশ্বিপৰ পদক বিজয়ী ভিনেশ ফ’গাটে যন্তৰ মন্তৰত ধৰ্ণাত বহি ব্রিজ ভূষণক গ্ৰেপ্তাৰ কৰাৰ দাবী জনায়।

অৱশেষত শুকুৰবাৰে উচ্চতম ন্যায়ালয়ৰ নিৰ্দেশত অমিত শ্বাহৰ আৰক্ষীয়ে ব্রিজ ভূষণৰ বিৰুদ্ধে এফআইআৰ দাখিল কৰে৷ কিন্তু ইয়াৰ মাজতে বজৰং পুনিয়াই দিল্লী আৰক্ষীৰ বিৰুদ্ধে বিস্ফোৰক অভিযোগ উত্থাপন কৰে।

মল্লযুঁজাৰুগৰাকীয়ে অভিযোগ কৰে যে দিল্লী আৰক্ষীয়ে যন্তৰ মন্তৰৰ ধৰ্ণাস্থলীৰ বিদ্যুৎ যোগান কৰ্তন কৰে। কেৱল এয়াই নহয়, ধৰ্ণাস্থলীলৈ পানী আৰু আহাৰ লৈ যোৱাতো নিষেধাজ্ঞা আৰোপ কৰা হৈছে। তদুপৰি এই প্ৰতিবাদস্থলীৰ চাৰিওফালে বেৰিকেড লগাইছে।

লগতে পঢ়ক: টকাৰ বাহাদুৰী! ৩ লাখ টকীয়া কাপত চাহ খায় নীতা আম্বানীয়ে! কিয় এই কাপটোৰ ইমান দাম?

টকিঅ’ অলিম্পিকৰ ব্ৰঞ্জৰ পদক বিজয়ী বজৰঙে কয়, ‘পুলিচে কৈছে, প্ৰতিবাদ কৰিব বিচাৰিলে ৰাজপথত শোৱা। আজি তেওঁলোকৰ ওপৰত কেনেধৰণৰ হেঁচা আহিছে? আগতে এনেকুৱা কোনো সমস্যা নাছিল, উচ্চতম ন্যায়ালয়ৰ হেঁচাতে এনেকুৱা হৈছে।’

ইপিনে, বজৰঙে তেওঁলোকৰ বাবে খাদ্য-পানী আনি থকাসকলক আৰক্ষীয়ে মাৰপিট কৰি খেদি দিয়াৰো অভিযোগো উত্থাপন কৰে। আৰক্ষীৰ এই আচৰণ দেখি বজৰং স্তম্ভিত হৈ পৰে। অৱশ্যে বজৰং পুনিয়াই কয় যে আৰক্ষী প্ৰশাসনে যিমানেই অত্যাচাৰ নকৰক কিয় ন্যায় নোপোৱালৈকে আমি আন্দোলন অব্যাহত ৰাখিম।

আনহাতে, অলিম্পিকৰ পদক বিজয়ী সাক্ষী মালিকৰ স্বামী তথা মল্লযুঁজাৰুগৰাকীয়ে কয়, ‘অৱশেষত এফ আই আৰ পঞ্জীয়ন হোৱাটো ভাল কথা। কিন্তু এফ আই আৰৰ পৰা আমি কি পাম? এফ আই আৰ-য়ে আমাক ন্যায় দিব? দিল্লী আৰক্ষীয়ে প্ৰথম দিনাই এফআইআৰ দাখিল কৰিব লাগিছিল। আমাৰ কাগজে-কলমে যুদ্ধ আৰম্ভ হৈছে মাত্ৰ। আমাৰ আইনী দল আৰু প্ৰশিক্ষকসকলে কি কয় চাওঁ। আমাৰ দাবী হৈছে মল্লযুঁজক ৰাজনীতিৰ পৰা পৃথক কৰি আমাৰ মহিলা মল্লযুঁজাৰুসকলৰ ভৱিষ্যত সুৰক্ষিত কৰা।’

লগতে পঢ়ক: মনত ৰাখিব! চতুৰ মানুহ তেৱেঁই যিয়ে এই তিনিটা কথা গোপনে ৰাখিব পাৰে

ইপিনে, দিল্লী মহিলা আয়োগৰ মুৰব্বী স্বাতী মালিৱালে মল্লযুঁজাৰুৰ সৈতে দিল্লী আৰক্ষীৰ আচৰণ সন্দৰ্ভত টুইট কৰে। তেওঁ টুইট কৰি কয়, ‘৬ দিন ধৰি এফআইআৰ দাখিল কৰা হোৱা নাছিল। এতিয়া বিদ্যুৎ বিচ্ছিন্ন হৈ আছে। প্ৰতিবাদকাৰীক খাদ্য আৰু পানীৰ পৰা বঞ্চিত কৰা হৈছে। হয়তো অতি অত্যাচাৰী শাসকেও নিজৰ বিৰোধীৰ লগত এনে নকৰিলেহেঁতেন। কিন্তু এইটোৱেই আমাৰ গণতন্ত্ৰ, আৰু এইসকল আমাৰ অলিম্পিক চেম্পিয়ন।’