ক’ৰ’না পৰীক্ষা সন্দৰ্ভত নিজৰ মত ব্যক্ত কৰিছে ভাৰতীয় ক্ৰিকেট নিয়ন্ত্ৰণ বোৰ্ডৰ অধ্যক্ষ সৌৰভ গাংগুলীয়ে।
‘‘বিগত চাৰি মাহত ২২ বাৰতকৈ অধিকবাৰ ক’ৰ’নাৰ পৰীক্ষা কৰাইছো আৰু ভালখবৰটো হৈছে মই এবাৰো প’জিটিভ হোৱা নাই…….মোৰ ওচৰে পাজৰে থকা লোক প’জিটিভ হৈছিল সেয়েহে মোৰো কোভিড প’জিটিভ হোৱাৰ সম্ভাৱনা আছিল,’’ সৌৰভ গাংগুলীয়ে কয়।
আনহাতে, ডুবাইত প্ৰাৰম্ভিক অৱস্থাত তেওঁ যথেষ্ট শংকিত হৈ আছিল বুলিও মত প্ৰকাশ কৰে।
উল্লেখযোগ্য যে, বিচিচিআইৰ অধ্যক্ষ সৌৰভ গাংগুলীৰ পৰিয়ালৰ লোক ক’ৰ’না প’জিটিভ হৈছিল।
সৌৰভৰ জেষ্ঠ ভাতৃৰ শৰীৰতো ক’ৰ’নাৰ উপস্থিতি ধৰা পৰিছিল।
ক’ৰ’না ভাইৰাছৰ সংক্ৰমণৰ বাবে চলিত বৰ্ষৰ আই পি এল ভাৰতৰ পৰিৱৰ্তে য়ু এ ইত অনুষ্ঠিত কৰা হৈছিল।
বিচিচিআইৰ সভাপতি সৌৰভ গাংগুলী আৰু অন্যান্য বিষয়ববীয়াৰ তৎত্ত্বাৱধানত য়ু এ ইত সুকলমে আই পি এল অনুষ্ঠিত হৈ গৈছিল।
