Beltola Double Murder : CCTV ফুটেজৰ দুই সন্দেহযুক্ত লোক অবিহনে কেনেকৈ সম্পূৰ্ণ হ’ব বেলতলা কাণ্ডৰ তদন্ত?
২৮ অক্টোবৰ, ২০২১,নৰ্থ ইষ্ট নাওত প্ৰকাশিত এটা বাতৰিত আৰক্ষীৰ তদন্ত প্ৰক্ৰিয়াক লৈ প্ৰশ্ন কৰা হৈছিল ।
কিন্তু আমি সোধা প্ৰশ্নৰ উত্তৰ হিচাপে সঠিক তদন্ত আগনাবাঢ়িল মহানগৰ আৰক্ষীৰ।
সেয়েহে আমি পুনৰ সুধিছো, হাতত লাঠি লৈ বৰুৱা দম্পতীৰ বাসগৃহত যোৱা ২৬ অক্টোবৰৰ নিশা কোনে প্ৰৱেশ কৰিছিল? সময় তেতিয়া মাজনিশা প্ৰায় ২ বাজিছে, হাতত অস্ত্ৰ লৈ বৰুৱা দম্পতীৰ চৌহদত দুজন লোক……. এজনৰ মুখত মাস্ক আনজনৰ মুখ ক’লা কাপোৰেৰে মেৰিওৱা।
প্ৰশ্ন হৈছে ‘কোন হয় এই দুজন অচিনাক্ত লোক? আৰক্ষীৰ হাতত লোকদুজনৰ কিবা তথ্য আছে নে?
লোক দুজনক গ্ৰেপ্তাৰ কৰাটো বাদেই দিছো, বৰ্তমানলৈকে কোনো শুংসূত্ৰই উলিয়াব পৰা নাই মহানগৰ আৰক্ষীয়ে। কিন্তু আৰক্ষীৰ মতে হত্যাকাৰী কেৱল আকাশেই হৈ থাকিল।
এই অচিনাক্ত দুৰ্বৃত্তক যদি কৰায়ত্ত কৰিব নোৱাৰে তেন্তে বা সন্দেহজনক অৱস্থাত বৰুৱাৰ বাসগৃহৰ চৌহদত দেখা পোৱা এই লোক দুজনক চিনাক্ত কৰি ধৰিব নোৱাৰিলে আৰক্ষীৰ তদন্ত প্ৰক্ৰিয়া সম্পূৰ্ণ হ’ব নে?
ইপিনে, সোমবাৰে আকাশ চৌধুৰীক আদালতত আজিৰ কৰোৱা হৈছিল।
আদালত চৌহদত সংবাদ মাধ্যমৰ আগত অভিযুক্ত আকাশে বিস্ফোৰক স্বীকাৰোক্তি প্ৰদান কৰিলে।
নিজ সন্তানৰ শপত খাই আকাশে ক’লে-
মই হত্যা কৰা নাই।পুলিচৰ মাৰৰ কোবতহে মই হত্যা কৰা বুলি কৈছো।
ইপিনে, আৰক্ষীৰ তদন্তত মুঠেও সন্তুষ্ট নহয় বৰুৱা দম্পতীৰ দুই জীয়ৰী।
বিশেষকৈ আৰক্ষীয়ে কৈ অহা হত্যাৰ কাৰণ সন্দৰ্ভত সন্দিহান বৰুৱা দম্পতীৰ দুই কন্যা। আৰক্ষীয়ে ৰাজহুৱা কৰিব নোৱাৰা কাৰণত বৰুৱা দম্পতীক হত্যা কৰা বুলি কৈছিল।
কিন্তু কি সেই কাৰণ—যটিো ৰাজহুৱা কৰিব নোৱাৰি!
সূত্ৰ অনুসৰি ন্যায় বিচাৰি বৰুৱা দম্পতীৰ দুই কন্যাই তেওঁলোক আদালতৰ কাষো চাপিছিল।
সকলোৰে আশা, এক উচিত তদন্ত হওঁক বা ন্যায় লাভ কৰক বৰুৱা দম্পতীৰ দুই জীয়ৰীৰ লগতে পৰিয়ালৰ লোকে….
