কৰ’নাৰ লকডাউনে বহু মানুহৰ জীৱন-জীৱিকালৈ বিপৰ্যয় কঢ়িয়াই অনাটো সৰ্বজনবিদিত। কিন্তু বাংগালোৰৰ এইজন যুৱকে যিদৰে তেওঁৰ বৃত্তি সলনি কৰি পেলালে সেয়া এক দুৰ্ভাগ্যজনক বুলি কোৱাৰ বাহিৰে আৰু কি ক’ব পাৰি?
বিপঅ’ এটাত কাম কৰা এজন যুৱকে লকডাউনৰ সময়ত কাম হেৰুৱাই যৌনকৰ্মীৰ বৃত্তি বাচি লয়। পত্নীৰ পৰা কিছুদিন কথাটো লুকুৱাই ৰাখিছিল যদিও অৱশেষত তেওঁ ধৰা পৰি যায়।
বিপিঅ’ এটাত কাম কৰি থাকোতেই ইয়াৰ কেন্টিনত যুৱতীগৰাকীৰ সৈতে পৰিচয় ঘটে যুৱকজনৰ। তাৰ পাছত যুৱতীৰ সৈতে প্ৰেমৰ সম্পৰ্ক গঢ়ি উছে। দুবছৰ ধৰি প্ৰেমৰ সম্পৰ্ক চলাৰ পাছত ২০১৯ত তেওঁলোকে বিবাহপাশত আৱদ্ধ হয়।
বাংগালোৰত এটা ঘৰ ভাড়া লৈ দুয়োজনে সংসাৰ আৰম্ভ কৰে। কিন্তু লকডাউনত কাম হেৰুৱায় যুৱকজনে। কেইমাহ ধৰি কাম বিচাৰি সফল নোহোৱাত এজন পুৰুষ যৌনকৰ্মী হিচাপে কাম কৰিবলৈ আৰম্ভ কৰে যুৱকে। এই গোটেই ঘটনা পত্নীৰ পৰা লুকুৱাই ৰাখিছিল যুৱকজনে।
যুৱতীগৰাকীয়ে জানিবলৈ দিয়ে যে তেওঁ স্বামীয়ে দীঘলীয়া সময়ৰ বাবে মোবাইল তথা লেপটপত ব্যস্ত থাকে। ইমান সময় ধৰি তেওঁ কি কৰে তাৰ প্ৰশ্ন কৰিলেও সঠিক উত্তৰ নাপায় যুৱতীগৰাকীয়ে।
তদুপৰি, যুৱকজনে বিভিন্ন ঠাইত ঘুৰি ফুৰে। ক’ত যায়, কি কৰে তাৰ কোনো উত্তৰো নিদিয়ে। তাৰপাছতে যুৱতীগৰাকীয়ে তেওঁৰ ভায়েকৰ পৰা লেপটপৰ পাছৱৰ্ড ক্ৰেক কৰি খুলি চায় গোপন ফ’ল্ডাৰ।
তাত আছিল অচিনাকি মহিলাৰ সৈতে আপত্তিকৰ অৱস্থাত তেওঁৰ পতিৰ ছবি। যুৱকে প্ৰথমতে বিষয়টো এৰাই চলিব বিচাৰিলেও অৱশেষত সকলো কথা খুলি কয়।
ইয়াৰ পাছতে যুৱতীগৰাকীয়ে আৰক্ষীৰ মহিলাৰ বাবে থকা বিশেষ নম্বৰত ফোন কৰে আৰু আৰক্ষীয়ে পতি-পত্নী দুয়োকে মাতি পঠায়। তাত দুয়োজনে সকলো কথা কয়। যুৱকজনে কিয় এই বৃত্তি বাচি ল’লে তাকো কয়।
এতিয়া তেওঁৰ এই বৃত্তি ভাল লগা বুলিও জানিবলৈ দিয়ে। তেওঁ পত্নীকো অত্যন্ত ভালপোৱা বুলি জনায় আৰু একেলগে থাকিব বিচৰাৰ কথা ব্যক্ত কৰে।
ইপিনে, যুৱতী পত্নীয়ে বিচ্ছেদৰ সিদ্ধান্ত অলৰ-অচৰ হৈ থাকে। অৱশেষত দুয়োৱে বিচ্ছেদৰ বাবে সন্মতি জনাইছে।
