পানীয়ৰ গুণঃ উৎকট গৰমত শাঁত পেলাওক দেহ, কমাওক শৰীৰৰ মেদ
ৰাজ্যত শেহতীয়া কিছুদিন ধৰি উৎকট গৰম। গৰমে বাৰুকৈয়ে দহিছে ৰাজ্যবাসীক। পিছে গৰম বুলি আপুনি নিজৰ স্বাস্থ্যৰ যতন লোৱাত এলাহ কৰিছে নেকি? যদি কৰিছে, মেদবহুলতাৰ চিন্তাই আকৌ দহিবলৈ আছেই!
পিছে এই দুই সমস্যাক আপুনি পৰাভূত কৰিব পাৰে একেটা উপায়েৰেই। উৎকট গৰমত দেহা শাঁত পেলোৱাৰ লগতে শৰীৰৰ মেদ কমাবলৈ আপুনি পাঁচবিধ পানীয় গ্ৰহণ কৰিব পাৰে।
তিয়ঁহৰ ৰস
ৰাতি শোৱাৰ পূৰ্বে তিয়ঁহৰ ৰস খাব লাগে, ই বৰ উপকাৰী। তিয়ঁহৰ ৰসে পেটৰ মেদবাহুল্যতা দূৰ কৰে। ই শীতল আৰু ৪৫ কেল’ৰীযুক্ত।
নেমুৰ ৰস
নেমুৰ ৰসেৰে তৈয়াৰী পানীয় গৰম কালত শৰীৰৰ বাবে অতি উপাদেয়। এই ৰসে শৰীৰত জমা হোৱা সকলো ক্ষতিকাৰক দ্ৰব্য নিষ্কাশন কৰাৰ লগতে বিষাক্ত গুণো নাশ কৰে। ই শৰীৰৰ ওজন ঘাটি হোৱাত সহায়ক হয়।
এল’ভেৰাৰ ৰস
এল’ভেৰাৰ জুচে শৰীৰৰ চালক অতি মসৃণ কৰি তোলে আৰু ই শৰীৰৰ ওজন ঘাটি কৰে। ৰাতি শোৱাৰ পূৰ্বে একাপ এল’ভেৰাৰ জুচ খালে কমৰ তথা কঁকালৰ আকাৰ সংকোচিত কৰি আনে।
আদাৰ ৰস
আদা হজমী শক্তিৰ বাবে উপাদেয় হোৱাৰ লগতে গেষ্টিকৰ সমস্যাও দূৰ কৰিব পাৰে। দৈনিক আদাৰ ৰস খালে শৰীৰ মেদবহুতা কমাৰ লগতে হজমী শক্তিকো সঠিক কৰি ৰাখে।
মিশ্ৰিত জুইচ
তিয়ঁহ, বিভিন্ন পাচলি, ধনীয়া, নেমু, আধা আৰু এল’ভেৰাৰ ৰস পানীৰ লগত মিহলাই আধা কাপকৈ ৰাতি শোৱাৰ পূৰ্বে খালে পেটৰ মেদ বহুলতা কমে।