মুখ্যমন্ত্ৰীৰ অপকৰ্ম আৰু পৰিয়ালৰ লুণ্ঠনকলৈ প্ৰশ্ন; সাংসদ অজিত ভূঞাৰ বিৰুদ্ধে নিকৃষ্ট ষড়যন্ত্ৰত নামিল বিজেপি!
ৰাজ্যসভাৰ সাংসদ অজিত কুমাৰ বিৰুদ্ধে আৰম্ভ হ’ল বিজেপি চৰকাৰৰ নিকৃষ্ট ষড়যন্ত্ৰ। উল্লেখযোগ্য যে ‘টুইটাৰ’ আৰু ‘ফেচবুক’ত সাংসদ ভূঞাই মুখ্যমন্ত্ৰী হিমন্ত বিশ্ব শৰ্মাৰ কিছুমান অপকৰ্ম আৰু তেওঁৰ পৰিয়ালৰ লুণ্ঠনৰ বিষয় ৰাজহুৱা কৰি মুখ্যমন্ত্ৰীৰ পৰা কেইটামান প্ৰশ্নৰ ৰাজহুৱা উত্তৰ বিচাৰিছিল।
সাংসদ ভূঞাই তেওঁৰ এই বক্তব্য দেশৰ প্ৰধানমন্ত্ৰী, বিজেপিৰ ৰাষ্ট্ৰীয় সভাপতি, আৰ এছ এছৰ প্ৰধান আদিলৈয়ো ৰাজহুৱাকৈ প্ৰেৰণ কৰিছিল।
ইয়াৰে সুবিধা লৈ শেহতীয়াকৈ মুখ্যমন্ত্ৰীৰ এজন ঘনিষ্ঠ মন্ত্ৰী পীয়ুষ হাজৰিকাই মুখ্যমন্ত্ৰীক তৈলমৰ্দনৰ উপায় বিচাৰি পাই এতিয়া সাংসদ ভূঞাৰ বিৰুদ্ধে ষড়যন্ত্ৰ ৰচনাৰ কামত ব্ৰতী হৈছে বুলি বিশ্বস্ত সূত্ৰে জানিব পৰা গৈছে।
সাংসদগৰাকীক কাবু কৰাৰ অন্য কোনো উপায় নেদেখি মন্ত্ৰীগৰাকীয়ে এতিয়া সাংসদ পুঁজি আৱণ্টনত কিবা আসোঁৱাহ উলিয়াব পাৰি নেকি সেই বিষয়ে মূৰ ঘমাবলৈ আৰম্ভ কৰিছে।
জানিব পৰা মতে ইতিমধ্যে উপায়ুক্তৰ কাৰ্যালয়ৰ পৰা অজিত কুমাৰ ভূঞাৰ সাংসদ পুঁজিৰ আসোঁৱাহ বিচাৰি দিছপুৰীয়া মন্ত্ৰীজনে ফাইল তলৱ কৰোৱাই নিছে।
তাৎপৰ্যপূৰ্ণ যে এই মুহূৰ্তলৈ মুখ্যমন্ত্ৰী হিমন্ত বিশ্ব শৰ্মাই সাংসদ সাংসদ ভূঞাৰ গুৰুতৰ অভিযোগবোৰৰ এটাৰো উত্তৰ ৰাজহুৱা কৰিবলৈ সাহস কৰা নাই।