বোকাখাত মহকুমাৰ ডিফলু পথাৰৰ বিহদিয়া বিলৰ পানীত পৰি মঙলবাৰে চুটু মাঝি নামৰ এজন যুৱকৰ সলিল সমাধি হয়৷
গৰু আনিবলৈ বুলি দেওবাৰে পুৱা বিললৈ যোৱা যুৱকজন বহু সময় ধৰি সন্ধানহীন হৈ থকাত স্থানীয় লোকে যুৱ্কজন বিলৰ পানীত পৰা বুলি সন্দেহ কৰি স্থানীয় লোকে বোকাখাত আৰক্ষীক খবৰ দিয়ে৷
আৰক্ষীয়ে এছ ডি আৰ এফ-ৰ ডুবাৰুৰ সহায়ত ৩ঘন্টা জোৰা অভিযানৰ অন্তত মাঝিৰ মৃতদেহ উদ্ধাৰ কৰিবলৈ সক্ষম হয়|
আৰক্ষীয়ে জনাই যে যুৱকজনৰ মৃতদেহত কোনো আঘাতৰ চিন নাই। ঘটনাটো আত্মহত্যা, দুৰ্ঘটনা নে হত্যা সেয়া মৰণোত্তৰ পৰীক্ষাৰ পিচতহে পোহৰলৈ আহিব বুলি জনাইছে মহকুমা আৰক্ষী বিষয়াই৷
মৃতদেহটো মৰণোত্তৰ পৰীক্ষাৰ বাবে গোলাঘাট অসামৰিক চিকিৎসালয়লৈ প্ৰেৰণ কৰিছে বোকাখাত আৰক্ষীয়ে৷
