কিছুইদন পূৰ্বে বিএছএনএলে ঘোষণা কৰিছিল যে প্ৰতি পাঁচ মিনিটৰ কলৰ বাবে গ্ৰাহকক ৬পইচা কেছবেক দিব। এতিয়া বিএছএনএলে এক নতুন প্লেন ঘোষণা কৰিছে।
কোম্পানীটোৱে এইবাৰ SMS কৰাৰ বাবে কেছবেক দিয়াৰ কথা ঘোষণা কৰিছে। কোম্পানীটোৱে এতিয়া ইয়াৰ গ্ৰাহকক প্ৰতিটো SMS ৰ বাবে ৬পইচা কেছবেক দিব।
বিএছএনএলৰ ফোন নম্বৰৰ পৰা SMS কৰিলে গ্ৰাহকে এই কেছবেক লাভ কৰিব। অৱশ্যে এই অ’ফাৰ লাভ কৰাৰ বাবে আপুনি চাৰ্ভিছ এক্টিভেট কৰিব লাগিব। এইটো আপুনি SMSৰ জৰিয়তে কৰিব পাৰিব।
অ’ফাৰ এক্টিভেট কৰিবলৈ এটা মেচেজ কৰিব লাগিব। কম্পোজ মেছেজত ‘ACT 6 paisa’ লিখি আপুনি 9478053334 নম্বৰত প্ৰেৰণ কৰিব লাগিব। প্ৰেৰণ কৰাৰ পাছত আপুনি প্ৰতিটো মেছেজত ৬ পইচাৰ কেছবেক পাবলৈ আৰম্ভ হ’ব।
কোম্পানীটোৱে জানিবলৈ দিছে যে এই অ’ফাৰ লেণ্ডলাইন, ব্ৰডবেণ্ড আৰু ফাইবাৰৰ কাৰণেহে আছে। এই অ’ফাৰ ২০১৯ৰ ৩১ ডিচেম্বৰ পৰ্যন্ত থাকিব। কেছবেক গ্ৰাহকৰ একাউন্টত এড কৰি দিয়া হ’ব।
বিএছএনএলৰ গ্ৰাহকৰ বাবে আন এটা খবৰ হৈছে অহা ১ ডিচেম্বৰৰ পৰা কোম্পানীটোৱে তেওঁলোকৰ ভইচ কল আৰু ডাটাৰ মাছুল বৃদ্ধি কৰিব। বিএছএনএলেই নহয়, আন টেলিকম কোম্পানীসমূহেও নিজৰ মাছুল অহা মাহৰ পৰা বৃদ্ধি কৰিব।
