ৰাজ্যত প্ৰথম পৰ্য্যায়ৰ নিৰ্বাচনৰ প্ৰচাৰ অভিযান মঙলবাৰে আবেলি সামৰণি পৰে। এতিয়া ৰাজ্যৰ ৰাজনৈতিক দল সমূহে দ্বিতীয় আৰু তৃতীয় পৰ্য্যায়ৰ নিৰ্বাচনী প্ৰচাৰৰ বাবে নামি পৰিছে।
মঙলবাৰে দতমাত অনুষ্ঠিত এখন নিৰ্বাচনী প্ৰচাৰ সভাত অংশ গ্ৰহণ কৰে বি টি চি প্ৰধান হাগ্ৰামা মহিলাৰীয়ে। সভাত কোকৰাঝাৰ লোকসভা সমষ্টিৰ বি পি এফ আৰু বিজেপি মিত্ৰজোঁটৰ প্ৰাৰ্থী প্ৰমীলা ৰাণী ব্ৰহ্মৰ হৈ প্ৰচাৰ চলাই তেওঁ কোকৰাঝাৰ সমষ্টিটো এইবাৰ বি পি এফে দখল কৰিব বুলি ঘোষণা কৰে।
সভাৰ অন্তত সংবাদ মাধ্যমৰ আগত মহিলাৰীয়ে কোকৰাঝাৰত এইবাৰ নিৰ্বাচনত নিৰ্দলীয় প্ৰাৰ্থী নৱ শৰণীয়া, য়ু পি পি এলৰ য়ু জি ব্ৰহ্ম আৰু কংগ্ৰেছৰ শব্দ ৰাভা কোনো ফেক্টৰ নহয় বুলি মন্তব্য কৰে।
আনহাতে, নিৰ্বাচনত বড়ো ভোটৰ বিভাজন নহয় বুলি বি টি চি প্ৰধানগৰাকীয়ে উল্লেখ কৰি উজনি অসমত বড়ো ভোটাৰে বিজেপিক ভোট দিব আৰু কোকৰাঝাৰত প্ৰমীলা ৰাণী ব্ৰহ্মক বিপুল ভোটত জয়ী কৰাব বুলি মন্তব্য কৰে।তদুপৰি বি পি এফ দলৰ প্ৰাৰ্থীগৰাকীয়ে ছয় লাখৰো অধিক ভোট লাভ কৰিব বুলিও দাবী কৰে হাগ্ৰামাই।
