বোকাখাতৰ নুমলীগড়ত ৩৭নং ৰাষ্ট্ৰীয় পথতে বৃহস্পতিবাৰে সন্ধিয়া দপদপাই জ্বলি উঠে এখন তেল পৰিবাহী খালী টেংকাৰ।
আকস্মিকভাৱে টেংকাৰখন (নং AS-05B-7471) জ্বলি উঠাত নুমলীগড়ত আতংকময় পৰিস্থিতিৰ সৃষ্টি হয়৷ অৱশ্যে বোকাখাত আৰক্ষীৰ হস্তক্ষেপত অগ্নিনিৰ্বাপক বাহিনীয়ে কম সময়ৰ ভিতৰতে জুই নিয়ন্ত্ৰণ কৰিবলৈ সক্ষম হয়।
ৰাজপথতে টেংকাৰখন জ্বলি উঠাত ৰাইজৰ মাজত হুৱা-দুৱা লগাৰ লগতে কিছুসময়ৰ বাবে বন্ধ হৈ পৰে উজনি-নামনিৰ যোগাযোগ।
ঘটনাটোক লৈ আৰক্ষী আৰু স্থানীয় ৰাইজৰ মাজতো এক খণ্ডযুদ্ধ লাগিছিল যদিও সম্প্ৰতি পৰিস্থিতি নিয়ন্ত্ৰণাধীন৷
নুমলীগড়ৰ লাডুলাল জৈন এণ্ড চানজ নামৰ তেল ডিপোটোৰ কাষতে টেংকাৰখন ৰাখি থোৱা আছিল। টেংকাৰখন ডিপোটোৰ তেল কঢ়িওৱা কামতে ব্যৱহৃত হৈছিল।
