ভিটামিন ডি মানৱ শৰীৰৰ বাবে অতি গুৰুত্বপূৰ্ণ। ভিটামিন ‘ডি’য়ে হাড়ৰ স্বাস্থ্য, ৰোগ প্ৰতিৰোধ ক্ষমতা আৰু সামগ্ৰিক সুস্বাস্থৰ বাবে প্ৰয়োজনীয়। শেহতীয়া গৱেষণাত পোহৰলৈ অহিছে যে ইয়াৰ অভাৱত কেন্সাৰৰ দৰে মাৰাত্মক ৰোগৰ সম্ভাৱনা বৃদ্ধি পাব পাৰে। অধ্যয়ন অনুসৰি, প্ৰায় ৭০% লোকএই ভিটামিন Dৰ অভাৱত ভোগে।
গৱেষণাৰ প্ৰাৰম্ভিক ফলাফল অনুসৰি, ভিটামিন ‘ডি’ৰ কম মাত্ৰাই কেন্সাৰৰ আশংকা বৃদ্ধি কৰিব পাৰে, যদিও ইয়াৰ বাবে অধিক গৱেষণাৰ প্ৰয়োজন বুলি উল্লেখ কৰিছে গৱেষক সকলে।
গৱেষক সকলৰ মতে ভিটামিন ‘ডি’য়ে কোষৰ স্বাস্থ্য ৰক্ষা, বৃদ্ধি নিয়ন্ত্ৰণ, প্ৰদাহ হ্ৰাস আৰু ৰোগ প্ৰতিৰোধ ক্ষমতা শক্তিশালী কৰে। ই অস্বাভাৱিক কোষৰ বৃদ্ধি ৰোধ কৰি ক্ষতিকাৰক কোষ ধ্বংস কৰাতো সহায় কৰে। বিশেষজ্ঞৰ মতে, কেৱল ইয়াৰ অভাৱতে যে কেন্সাৰ হয় তেনে নহয়, অস্বাস্থ্যকৰ জীৱনশৈলী, ধূমপান আৰু ব্যায়ামৰ অভাৱো কেন্সাৰ কাৰক হ’ব পাৰে বুলি মতপ্ৰকাশ কৰিছে ।
উল্লেখ্য যে সূৰ্যৰ পোহৰ ভিটামিন ‘ডি’ৰ প্ৰধান উৎস। ৰাতিপুৱা ১০-৩০ মিনিট সূৰ্যত বহিলে শৰীৰত ইয়াৰ পৰিমাণ বাঢ়ে। কণী, মাছ, গাখীৰ, দৈ আদি খাদ্যৰ জৰিয়তেও ‘ডি’ আহৰ্ণ কৰিব পাৰি। অৱশ্যে ইয়াৰ পৰিপূৰক গ্ৰহণৰ আগতে চিকিৎসকৰ পৰামৰ্শ লোৱাটো জৰুৰী।
শেহতীয়া গৱেষণাত দেখা গৈছে, শৰীৰত ভিটামিন ‘ডি’ৰ মাত্ৰা বেছি থকাসকলৰ অন্ত্ৰৰ কেন্সাৰৰ আশংকা কম, আনহাতে কম থকাসকলৰ এই ৰোগৰ সম্ভাৱনা বেছি। স্তন আৰু হাওঁফাওঁৰ কেন্সাৰৰ সৈতে প্ৰত্যক্ষ সম্পৰ্ক নাই যদিও মৃত্যুৰ আশংকা বৃদ্ধিৰ পোৱা দেখা গৈছে বুলি বিশেষজ্ঞসকলে উল্লেখ কৰিছে ।
