NRC ৰ প্ৰাক্তন ৰাজ্যিক সমন্বয়ক প্ৰতীক হাজেলাৰ বিৰুদ্ধে গোচৰ ।
CIDত গোচৰ তৰিলে বৰ্তমানৰ NRC ৰ ৰাজ্যিক সমন্বয়ক হিতেশ দেৱ শৰ্মাই।
হাজেলাৰ বিৰুদ্ধে ৰাষ্ট্ৰীয় নিৰাপত্তাৰে সৈতে আপোচ কৰাৰ অভিযোগ উত্থাপন কৰে হিতেশ দেৱ শৰ্মাই।
এটা বিশেষ ছফটৱেৰৰ জৰিয়তে NRCত সন্দেহজনক নাগৰিকৰ নাম অন্তৰ্ভুক্তিৰ অভিযোগ উত্থাপন কৰিছে প্ৰতীক হাজেলাৰ বিৰুদ্ধে। হিতেশ দেৱশৰ্মাৰ মতে হাজেলাই ব্যৱহাৰ কৰা ছফটৱেৰৰ জৰিয়তে সম্ভৱ নাছিল গুণগত পৰীক্ষা।
NRC উন্নীতকৰণত বংশবৃক্ষৰ সঠিক পৰীক্ষণ বা নিৰীক্ষণ হোৱা নাছিল বুলিও হাজেলাৰ বিৰুদ্ধে অভিযোগ তোলে হিতেশ দেৱ শৰ্মাই।
ইপিনে, হাজেলাৰ বিৰুদ্ধে উচ্চতম ন্যায়ালয়ৰ নিৰ্দেশনাকো অৱমাননাৰ অভিযোগ উত্থাপন কৰে হিতেশ দেৱ শৰ্মাই।
হাজেলাৰ বিৰুদ্ধে ভাৰতীয় দণ্ডবিধিৰ 120 (B), 166 (A), 167, 181, 218, 420, 466, RW SEC 34ত গোচৰ ৰুজু কৰা হৈছে।
আন বহু ক্ষেত্ৰতো প্ৰতীক হাজেলাই ব্যাপক জালিয়াতিৰ আশ্ৰয় লোৱাৰ অভিযোগ কৰিছে হিতেশ দেৱ শৰ্মাৰ।
ইয়াৰোপৰি, তদন্তত সকলো তথ্য পোহৰলৈ অহাৰ পাছতো পূৰ্বৰ সমন্বয়কে সকলো কথা গাপ দিয়াৰ অভিযোগ তুলিছে হিতেশ দেৱ শৰ্মাই।
